३३ किलाे सुन प्रकरण: कहाँ लुकेका थिए एसएसपी खत्री?
सारांश
- अस्बिन खड्का, १७ जेठ ।
- सुन काण्डका अभियुक्त एसएसपी श्याम खत्रीले अन्तत अदालतसामू आत्मसमर्पण गरेका छन् ।
- प्रहरीका अधिकारी र तस्करहरु पक्राउ पर्न थालेपछि बिदा लिएर वेपत्ता भएका एसएसपी खत्री ६४ दिनपछि आफैं हार खाँदै आत्मसमर्पण गरेको बुझिएको छ ।
अस्बिन खड्का, १७ जेठ । सुन काण्डका अभियुक्त एसएसपी श्याम खत्रीले अन्तत अदालतसामू आत्मसमर्पण गरेका छन् ।
प्रहरीका अधिकारी र तस्करहरु पक्राउ पर्न थालेपछि बिदा लिएर वेपत्ता भएका एसएसपी खत्री ६४ दिनपछि आफैं हार खाँदै आत्मसमर्पण गरेको बुझिएको छ । बिहीबार पौन ११ बजे एसएसपी खत्री एक्लै जिल्ला अदालत पुगेर न्यायाधीश नारायण शर्मालाई कार्यालयमै भेटेका थिए ।
अदालतको सम्पर्कमा पुगे लगत्तै शर्माकै इजलासमा उनको बयान लिने काम सुरु भएको छ । जिल्ला अदालतमा बयान सुरु भएपछि अदालतका कर्मचारीमार्फत जिल्ला प्रहरी कार्यालयमा त्यस बारेमा जानकारी दिइएको थियो ।
खत्रीले आत्मसमर्पण गर्ने सम्बन्धमा मोरङ प्रहरीले सुइँकोसम्म पाएको थिएन । उनलाई पक्राउ गर्न इन्टरपोलमा डिफ्युजन नोटिस जारी गरेपछि उनी आफैंले आत्मसमर्पण गरेको हुन।
एसएसपी खत्री केही समय भारत हुँदै तेस्रो मुलुक पुगेको र त्यसपछि नेपाल आएका उनी प्रहरीलाई छक्याउँदै कहिले आफ्नो घर भक्तपुर लोकन्थलीमा बस्ने त कहिले आफ्न्तकोमा बस्ने गरेका थिए ।खत्री आफ्ना साला को घर मा पनि बसेकाे स्राेतले जनाएकाे छ । उनका साला सशस्त्र प्रहरी बलका निरीक्षक समेत भएको प्रहरी स्रोतले प्रारम्भीक जानकारी दिएको छ ।
प्रतिक्रिया