विराटनगरमा अन्तराष्ट्रिय नाटक महोत्सव हुने
सारांश
- विराटनगर, ६ फागुन , यही फागुन १५ देखि २४ गतेसम्म अन्तर्राष्ट्रिय नाटक महोत्सव हुने भएको छ ।
- आरोहण विराटनगरद्वारा आज यहाँ आयोजित पत्रकार सम्मेलनमा विराटनगरको सुशीला कोइराला नाटक घरमा हुने महोत्सवमा नेपालसहित ६ देशका १० वटा नाटक मञ्चन हुने जानकारी दिइयो ।
- महोत्सवमा नेपाल, बङ्गलादेश, भारत, श्रीलङ्का र अफगानिस्तानका १० नाटक दैनिक एक÷एक वटा मञ्चन हुने आरोहरण विराटनगरका अध्यक्ष भैरव क्षेत्रीले बताउनुभयो ।
विराटनगर, ६ फागुन , यही फागुन १५ देखि २४ गतेसम्म अन्तर्राष्ट्रिय नाटक महोत्सव हुने भएको छ ।
आरोहण विराटनगरद्वारा आज यहाँ आयोजित पत्रकार सम्मेलनमा विराटनगरको सुशीला कोइराला नाटक घरमा हुने महोत्सवमा नेपालसहित ६ देशका १० वटा नाटक मञ्चन हुने जानकारी दिइयो ।
महोत्सवमा नेपाल, बङ्गलादेश, भारत, श्रीलङ्का र अफगानिस्तानका १० नाटक दैनिक एक÷एक वटा मञ्चन हुने आरोहरण विराटनगरका अध्यक्ष भैरव क्षेत्रीले बताउनुभयो । फागुन १५ गते आरोहण विराटनगरको ‘विराट पर्व’, १६ गते बङ्गलादेशको ‘मातब्रिङ’, १७ गते इटालीको ‘डिसएप्पीइर्ड’, १८ गते भारतको ‘चम्पावती’, १९ गते श्रीलङ्काको ‘लब एण्ड लाइफ’ नाटक मञ्चन हुने भएको छ ।
यसैगरी फागुन २० गते झोराहाट नाट्य समूह नेपालको ‘घरभित्रको अर्को घर’ , २१ गते परिवर्तन थिएटर, काँकडभिट्टा नेपालको ‘विटुलो आख्यान’, २२ गते अफगानिस्तानको ‘ता राहाये’, २३ गते थिएटर उपयपुर नेपालको ‘देश बनाउँछु भन्नेहरु’ र २४ गते कदम थिएटर दमक नेपालको ‘गौडा टाइम्स’ नाटक मञ्चन गरिने भएको छ ।
महोत्सवमा विभिन्न सांस्कृतिक, पुस्तक र चित्र प्रदर्शन गरिनेछ । सहभागी विदेशी कलाकारलाई प्रदेश नं १ को पर्यटकीय तथा ऐतिहासिक गन्तव्यहरुको अवलोकनका साथै स्थानीय समुदाय तथा स्थानीय सरकारसँग समेत अन्तरक्रिया कार्यक्रम गराईने बताइएको छ ।
प्रतिक्रिया