लगानी सम्मेलन : नेपालमा लगानी गर्ने विदेशीको इच्छा

काठमाडौं । ‘समृद्ध नेपाल सुखी नेपाली’ नारासहित गरिएको लगानी सम्मेलनमा १७ वटा परियोजनामा सम्झौता गर्न विदेशी इच्छुक देखिएका छन् । शनिबार बेलुकी सकिएको सम्मेलनमा १५ परियोजना कार्यान्वयनको चरणमा रहेका छन्। सम्मेलनमा केही परियोजना सम्झौता भएका छन् ।

पूर्वाधार निर्माणलाई प्राथमिकतामा राखेर आयोजना गरिएको सम्मेलनमा यातायात क्षेत्रतर्फका ७, ऊर्जाका ४ वटा, कृषि पूर्वाधारमा ३ वटा, शिक्षा तथा स्वास्थ्य २ र लजिस्टिकमा १ परियोजनामा लगानी प्रस्ताव भएको छ ।

सम्मेलनमा सरकारी क्षेत्रबाट ५० वटा, निजी क्षेत्रबाट १७ वटा परियोजनामा शोकेस बनाएको थियो । परियोजनामा लगानीको लागि प्रस्ताव आएको लागनी बोर्डका प्रमुख कार्यकारी अधिकृत महाप्रसाद अधिकारीले बताए । सम्मेलनमा सीजी ग्रुपले चार वटा परियोजनामा सम्झौता गरेको छ।

२६० मेगावाटको अपर त्रिशुली, १६४ वाटको कालिगण्डकी, ९ सय मेगावाटको अरुण तेस्रो, अपि हाइड्रो सोलुसन ९१८ मेगावाट सोलार, ९८ मेगावाट जलविद्युत्, १० मेगावाट विन इनर्जी० परियोनजामा लगानी सम्बन्धी सम्झौता गरिएका छन् ।

अरुण तेस्रोमा भारतीय बैंक एसबीआई, एभरेष्ट बैंकले ६ अर्ब ८ करोड लगानी गर्ने भएका छन्। परियोजनामा भारतीय कम्पनी सतलजले लगानी जुटाएको घोषणा गरेको थियो।