बाबुराम भट्टराई र उपेन्द्र यादवको पार्टीमा २५ सदस्यीय पदाधिकारी, को के पदमा ?
सारांश
- संघीय समाजवादी फोरम र नयाँ शक्ति बीच औपचारिक पार्टी एकता भएको छ ।
- लामो समयको छलफल र बहसलाई अन्तिम रुप दिँदै दुई दल एक भएका हुन् ।
- सोमबार राजधानीको कमलादीस्थित प्रज्ञाप्रतिष्ठानमा आयोजित कार्यक्रमबाट दुई पार्टीले एकताको घोषणा गर्दै नयाँ पार्टीको नाम समाजवादी पार्टी नेपाल राखिएको छ ।
संघीय समाजवादी फोरम र नयाँ शक्ति बीच औपचारिक पार्टी एकता भएको छ । लामो समयको छलफल र बहसलाई अन्तिम रुप दिँदै दुई दल एक भएका हुन् ।
सोमबार राजधानीको कमलादीस्थित प्रज्ञाप्रतिष्ठानमा आयोजित कार्यक्रमबाट दुई पार्टीले एकताको घोषणा गर्दै नयाँ पार्टीको नाम समाजवादी पार्टी नेपाल राखिएको छ । सभामा नयाँ शक्तिका संयोजक डा. बाबुराम भट्टराई र फोरमका अध्यक्ष उपेन्द्र यादवले ९ बुँदे सहमतिमा हस्ताक्षर गरेका छन् । एकतापछि नयाँ शक्तिका संयोजक डा. बाबुराम भट्टराई र फोरमका अध्यक्ष उपेन्द्र यादव नयाँ पार्टीको अध्यक्ष रहनेछन् । यो पार्टी हिमाल पहाड र मधेसलाई नेतृत्व गर्ने सक्षम पार्टी भएको’ सहमति पत्रमा भनिएको छ ।
पार्टीमा अहिले २५ सदस्यीय पदाधिकारी चयन भएका छन् । जस अन्तर्गत डा.बाबुराम भट्टराई संघिय परिषद् अध्यक्ष र उपेन्द्र यादव अध्यक्ष छन् । त्यस्तै अशोक राई पार्टीका वरिष्ठ नेताको रुपमा चयन भएका छन् । राजेन्द्र श्रेष्ठ सह अध्यक्ष चयन गरिएको छ ।
पार्टी उपाध्यक्षमा नमराज सुवेदी, लालबाबु राउत, हिशिला यमि, रेनु यादव, रकम चेम्जोङ, परशुराम खापुङ, युबराज कार्की र हेमराज राई चयन भएका छन् । त्यस्तै महासचिवमा गगा नारायण श्रेष्ठ, रणधज कन्दघा र रामसाहायक यादव चयन भएका छन्।डम्बर खतिवडा, दानबहादुर विश्वकर्मा र प्रकाश अधिकारी पार्टीको उप महसचिवमा चयन भएका छन् ।
त्यस्तै पा्टीको सचिवमा मोहमद इस्तियाक राई, दुर्गा सोब, विजय यादव, परशुराम बस्नेत र प्रशान्त सिह चयन भएका छन्। अन्य २ जना सचिवपछि मात्र थपिने समाजवादीका एक नेताले बताए।
प्रतिक्रिया