भारतका कारण नेपालमा बाढी : रावल
सारांश
- काठमाडौं।
- नेकपा एमालेका उपाध्यक्ष भीम रावलले भारतले बाँधेको तटबन्धका कारण नेपालले बाढीको सामना गर्नु परेको आरोप लगाएका छन् ।
- भारतीय राजदूत समेत उपस्थित रिपोटर्स क्लबले आयोजना गरेको साक्षात्कार कार्यक्रममा एमाले उपाध्यक्ष रावलले भारतले नदीहरुमा बाँध बाध्दा वर्षामा नेपालले ठूलो समस्या बेहोर्ने गरेको दाबी गरे ।
काठमाडौं। नेकपा एमालेका उपाध्यक्ष भीम रावलले भारतले बाँधेको तटबन्धका कारण नेपालले बाढीको सामना गर्नु परेको आरोप लगाएका छन् ।
भारतीय राजदूत समेत उपस्थित रिपोटर्स क्लबले आयोजना गरेको साक्षात्कार कार्यक्रममा एमाले उपाध्यक्ष रावलले भारतले नदीहरुमा बाँध बाध्दा वर्षामा नेपालले ठूलो समस्या बेहोर्ने गरेको दाबी गरे । उनले बाँधका ढोका खोल्न नेपालको पटक पटकको आग्रहको भारते वेवास्ता गर्दै अमानवीय व्यवहार प्रदर्शन गरेको बताए ।
रावलले १९५० का सन्धिसम्झौता पुनरावलोकन हुनुपर्ने एमालेको अडान रहेको स्पस्ट पारे ।
नेपाली कांग्रेसका नेता प्रकाश शरण महतले भारतीय वाँधका कारण नेपाली जनाताले दुःख पाएको बताए ।
राजपाका नेता हृदयेश त्रिपाठीले तराईको डुवानमा भारतको मात्र दोष नभएको तर्क गरे । उनले नेपालको पानीको सदुपयोग नभएको बताए । उनले पानी स्टोर गरेर भारतलाई बेच्नु पर्ने बताए ।
प्रतिक्रिया