एनआरएन युरोप सहसंयोजकमा उम्मेदवारी दिने केसीको घोषणा
सारांश
- पोर्चुगल ।
- गैर आवासीय नेपाली संघ एनआरएनको यही अक्टोबर १४–१६ मा हुन गइरहेको आठौं विश्व सम्मेलनमा पोर्चुगलबाट भीम केसी (कमल)ले युरोप सह–संयोजकमा आफनो उम्मेदवारी घोषणा गर्ने जनाएका छन् ।
- पोर्चुगल एनआरएनको छैठौँ अधिवेशनको बन्द सत्रले केसीको उम्मेदवारीलाई सर्वसम्मत गर्दै आगामी नेतृत्वको लागि चयन गरेको हो ।
पोर्चुगल । गैर आवासीय नेपाली संघ एनआरएनको यही अक्टोबर १४–१६ मा हुन गइरहेको आठौं विश्व सम्मेलनमा पोर्चुगलबाट भीम केसी (कमल)ले युरोप सह–संयोजकमा आफनो उम्मेदवारी घोषणा गर्ने जनाएका छन् । पोर्चुगल एनआरएनको छैठौँ अधिवेशनको बन्द सत्रले केसीको उम्मेदवारीलाई सर्वसम्मत गर्दै आगामी नेतृत्वको लागि चयन गरेको हो ।
बागलुङ्गको जैमुनी नगरपालिका २, दमेकका स्थायी बासिन्दा केसी एकदशकदेखि सपरिवार पोर्चुगल बस्दै आएका छन् । पोर्चुगलमा सामाजिक क्षेत्रमा हात हाल्दै व्यापार व्यवसायमा संलग्न केसीको मनि ट्रान्सफर एण्ड टुरिजम र नेपाली ह्याण्डीक्राफ्ट निर्यात कम्पनी सुरु गरिसकेका छन् । नर्वेबाट विशेष शिक्षा शास्त्रमा पोष्ट ग्राजुएट गरेका केसीले त्रिभुवन विश्वविद्यालबाट काुननमा बिएल, लेखामा बीबीएस र शिक्षामा एमएड गरिसकेका छन् ।
एनआरएनमा लामो अनुभव रहेका केसीले सन् २००९–११ मा पोर्चुगल एनआरएनको उपाध्यक्ष, सन् २०११–१३ मा अन्तरराष्ट्रीय समन्वय समितिको मिडिया टाश्कफोर्स सदस्य र सन् २०१३–१५ मा पोर्चुगल एनआरएनको सल्लाहकार हुँदै २०१५-१७ को कार्यकाल अध्यक्षको रुपमा सफलतापुर्बक पुरा गरेका छन् ।
नेपाल रहँदा बाग्लुङ्गको एक माध्यामिक विद्यालयमा अध्यापन एवम् नेपाल सरकारको शिक्षा मन्त्रालयमा काम गरेका केसी माओवादी द्वन्द्वकालमा विदेशिएका हुन् ।
प्रतिक्रिया