रोल्पामा जनताको घरको गारो लगाउँदै वर्षमान पुन “अनन्त”
सारांश
- काठमाडौं, ३ माघ ।
- सुनछहरी गाउँपालिका–७, जेलबाङका मङ्गले बुढा दम्पत्तिको लागि नयाँ घर बन्ने भएको छ ।
- जनयुद्धकालमा आफ्ना एकमात्र छोरालाई गुमाएका मङ्गलेले सहिद परिवारले राज्यबाट पाउने राहत रकम १० लाख पनि प्राप्त गरेका छन् ।
काठमाडौं, ३ माघ । सुनछहरी गाउँपालिका–७, जेलबाङका मङ्गले बुढा दम्पत्तिको लागि नयाँ घर बन्ने भएको छ । जनयुद्धकालमा आफ्ना एकमात्र छोरालाई गुमाएका मङ्गलेले सहिद परिवारले राज्यबाट पाउने राहत रकम १० लाख पनि प्राप्त गरेका छन् ।
रोल्पाबाट प्रतिनिधिसभामा निर्वाचित माओवादी केन्द्रका वरिष्ठ नेता वर्षमान पुन “अनन्त” ले यसपटक जिल्ला पुगेर मङ्गले बुढामगरको नयाँ घरका लागि जग बसाएका छन् । नेता पुन मगरले ढुङ्गा हालेर जग बसाएर घर निर्माण कार्यको शुभारम्भ गरेका छन् ।
बीबीसी साझा सवालको एक कार्यक्रममा मङ्गले बुढाले झुपडीमा बसेर सहिद परिवारले पाउने रकम आफूहरुले नपाएको बताएका थिए । मङ्गले दम्पत्तिको कुरा सुनेर निवर्तमान सभामुख ओनसरी घर्तीमगरले आँशु थाम्न नसकेको र पूर्व अर्थमन्त्रीसमेत रहेका माओवादी केन्द्रका नेता वर्षमान पुन “अनन्त”ले भावुक भएर घर निर्माण गरिदिने र राहत रकम दिलाउने प्रतिबद्धता जनाएको साझा सवालको उक्त ईपिसोड लाखौँले हेरेका थिए ।
सांसद सुरक्षित आवास कार्यक्रम बनाएर उक्त कार्यक्रममार्फत सहिद परिवार मङ्गलेको घर निर्माणको कामलाई नेता बर्षमान पुन “अनन्त” आफै जेलबाङ पुगेर मङ्गले बुढा दम्पत्तिको घर शिलान्यास गरेका हुन् ।
प्रतिक्रिया