अवैध काठसहित कपिलवस्तुमा एक जना पक्राउ

माधव बेल्वासे

कपिलवस्तु, फागुन ६ । कपिलवस्तुको शिवराज नगरपालिका–१ भलुहिमा अवैध सालको काठ र ट्याक्टरसहित एक जना पक्राउ परेका छन् । इलाका वन कार्यलय शिवपुरका वन अधिकृत रघुनाध दास र वडा प्रहरी कार्यालय चन्द्रौटाको सयुंक्त गस्ती टोलीले अवैध सालको काठ र ट्याक्टरसहित एक जनालाई पक्राउ गरेको हो ।

गस्ती टोलीले नम्बर प्लेट नभएको ट्याक्टरमा अवैध रुपमा लोड गरि चोरी निकासी गर्ने क्रममा शिवराज नगरपालिका–१ भलुही निवासी अशोक कुमार चौधरीलाई प्रकाउ गरेको शिवपुरका वन अधिकृत रघुनाध दासले जानकारी दिए । करिव १२ क्विफुट सालको काठ बरामद गरेको उनले बताए ।

उक्त काठको बजार मुल्य ४० हजार रुपैयाँ बराबर रहेको छ । प्रशासन र वन कार्यलयलाई छलेर लैजान लागेको उक्त सालको काठ सेक्टर वन कार्यालयमा राखिएको छ ।

पक्राउ परेको टेक्टर र चालकको विषयमा थप अनुसन्धान भइरहेका सेक्टर वन कार्यालय चन्द्रौटाका प्रमुख रामहरी सेढईले जानकारी दिए । काठ तस्कारीमा संलग्न अन्यलाई पक्राउ गरी वन ऐन अनुसार कारवाहि गरिने उनले बताए ।