उपाधीका लागि नेपाल र सिंगापुर भिड्ने, यस्ता छन् पछिल्ला नतिजा !
सारांश
- काठमाडौँ, २६ असोज ।
- मलेसियामा जारी एसिया बि टि–ट्वान्टि विश्वकप छनोट प्रतियोगिताको उपाधीका लागि सिंगापुर र नेपाल भिड्ने भएका छन् ।
- प्रतियाेगिताकाे अन्तिम खेलअन्तर्गत नेपाल र सिंगापुर भड्ने भएका हुन् ।
काठमाडौँ, २६ असोज । मलेसियामा जारी एसिया बि टि–ट्वान्टि विश्वकप छनोट प्रतियोगिताको उपाधीका लागि सिंगापुर र नेपाल भिड्ने भएका छन् । प्रतियाेगिताकाे अन्तिम खेलअन्तर्गत नेपाल र सिंगापुर भड्ने भएका हुन् । खेलकाे विजेता प्रतियाेगिताकाे उपाधीकाे हकदार हुनेछ ।
प्रतियोगितामा दुवै टोलीको अपराजित यात्रा कायम छ । पाँच खेलमा दुवै टोलीले पाँचै खेल जितेका छन् भने नेट रन रेटका आधारमा अंकतालिकामा नेपाल अगाडी छ । नेपाल र सिंगापुरसहित मलेसिया पनि यसअघि नै दोस्रो चरणका लागि छनोट भैसकेका छन् ।
प्रतियोगितामा सबैभन्दा बलियो देखिएको नेपालको ब्याटिङ् सोचेअनुरुप अझै चल्न सकेको छैन । बलर भने विपक्षिमाथि सँधै हावी हुने गरेका छन् । त्यस्तै सिंगापुरको ब्याटिङ् तुलनात्मक रुपमा राम्रो देखिएको छ । प्रतियोगितामा सबैभन्दा बढी रन बनाउने खेलाडी पनि सिंगापुरकै छन् । भने बढी विकेट लिनेमा नेपालका सन्दिप लामिछाने रहेका छन् । उनले ५ खेलमा २० विकेट लिइसकेका छन् ।
नेपाल र सिंगापुर यसअघि २० ओभरको खेलमा दुई पटक आमने सामने भएका छन् जसमध्ये दुवै खेलमा नेपाल विजयी भएको छ ।
खेल मलेसियाको क्वालालम्पुरमा नेपाली समय अनुसार दिउसो १२ः१५ मा सुरु हुनेछ ।
प्रतिक्रिया