युएस बङ्ला विमानका चालककी पत्नीको पनि निधन
सारांश
- काठमाडौं, ९ चैत ।
- त्रिभुवन अन्तर्राष्ट्रिय विमानस्थलमा दुर्घटना भएको युएस बङ्ला एयरलाइन्सको विमान चालककी पत्नीको शुक्रवार बिहान निधन भएको छ ।
- विमान चालक अविद सुल्तानकी पत्नी अफसना खानको ढाकाको नेशनल इन्ष्टिच्युट अफ न्यूरो साइन्स एण्ड हस्पिटलमा निधन भएको हो ।
काठमाडौं, ९ चैत । त्रिभुवन अन्तर्राष्ट्रिय विमानस्थलमा दुर्घटना भएको युएस बङ्ला एयरलाइन्सको विमान चालककी पत्नीको शुक्रवार बिहान निधन भएको छ । विमान चालक अविद सुल्तानकी पत्नी अफसना खानको ढाकाको नेशनल इन्ष्टिच्युट अफ न्यूरो साइन्स एण्ड हस्पिटलमा निधन भएको हो ।
श्रीमान सुल्तानको मृत्यु भएको खबरले हृदयघात भएपछि उनलाई गत आइतबार अस्पतालमा भर्ना गरिएको थियो । उपचारको क्रममा उनको शुक्रबार विहान साढे ९ बजे निधन भएको अस्पतालका डाक्टर खुर्शिद मोहम्मदले बंगलादेशी सञ्चारमाध्यम द डेली स्टारलाई बताएका छन् ।
फागुन २८ गते काठमाडौंमा दुर्घटना परेको युएस बंगला एयरलाइन्समा चालक दलका ४ जनासहित ४९ जनाको मृत्यु भएको थियो । मृत्यु हुनेमा २६ जना बंगलादेशी, १ चिनियाँ र १ जना माल्दिभ्सका नागरिक थिए । बाँकी २१ जना नेपाली रहेका थिए । उनको शवलाई मुस्लिम धर्मअनुसार पति अबिदको चिहाननजिकै राखेर दाहसंस्कार गरिने परिवारले जनाएको छ ।
प्रतिक्रिया