कर्णालीका मुख्यमन्त्रीद्वारा सरकारको नीति तथा कार्यक्रम प्रदेश प्रमुखसमक्ष पेश
सारांश
- काठमाडौं, ९ बैशाख ।
- कर्णाली प्रदेशका मुख्यमन्त्री महेन्द्रबहादुर शाहीले प्रदेश प्रमुख दुर्गाकेशर खनालसँग भेटघाट गरेका छन् ।
- आइतवार बिहान साढे ११ बजे प्रदेश प्रमुखको कार्यालयमा भएको भेटघाटमा मुख्यमन्त्री शाहीले सरकारको नीति तथा कार्यक्रम प्रदेश प्रमुख खनालसमक्ष पेश गरेका छन् ।
काठमाडौं, ९ बैशाख । कर्णाली प्रदेशका मुख्यमन्त्री महेन्द्रबहादुर शाहीले प्रदेश प्रमुख दुर्गाकेशर खनालसँग भेटघाट गरेका छन् । आइतवार बिहान साढे ११ बजे प्रदेश प्रमुखको कार्यालयमा भएको भेटघाटमा मुख्यमन्त्री शाहीले सरकारको नीति तथा कार्यक्रम प्रदेश प्रमुख खनालसमक्ष पेश गरेका छन् ।
मन्त्रीपरिषद बैठकद्वारा स्वीकृत नीति तथा कार्यक्रम प्रदेश प्रमुखले प्रदेश सभामा पेश गर्ने संवैधानिक व्यवस्था रहेको छ । भेटघाटमा प्रदेश सरकारको नीति तथा कार्यक्रम प्रदेश सभामा पेश गर्ने सम्वन्धमा छलफल भएको मुख्यमन्त्रीका प्रेस सल्लाहकार ध्रुब बुढाथोकीले जानकारी दिए । कर्णाली प्रदेश सरकारको शनिवार सम्पन्न मन्त्रीपरिषद बैठकले चालु आर्थिक वर्ष २०७४/७५को लागि प्रदेश सरकारको नीति तथा कार्यक्रम स्वीकृत गर्ने निर्णय गरेको थियो ।
सोमवार वस्ने कर्णाली प्रदेश सभाको बैठकमा प्रदेश प्रमुख दुर्गाकेशर खनालले सरकारको नीति तथा कार्यक्रम प्रस्तुत गर्ने कार्यसुची रहेको छ ।
प्रतिक्रिया