सभामुख महरा हाँसाेकाे पात्र बनेपछि…

काठमाडौं, ११ असार । गृहमन्त्री रामबहादुर थापा ट्राफिक जाममा परेकाे बताएपछि सभामुख कृष्णबहादुर महरा हाँसाेकाे पात्र बनेका छन ।

सोमबारको प्रतिनिधिसभा बैठकमा गृहलगायत मन्त्रालयका लागि विनियोजित बजेटमा छलफल चलिरहेको थियो । तर गृहमन्त्री नै उपस्थित नभएको बैठकमा गृहमन्त्रालय माथि छलफलको औचित्य नभएको भन्दै प्रमुख प्रतिपक्षी नेपाली कांग्रेसले प्रश्न उठायो ।  र साेध्याे गृहमन्त्री खाेर्इ ?

जवाफमा महराले उहाँ अाउदै हुनुहुन्छ ट्राफिक जाममा पर्नु भएकाे छ”  भनेका थिए । तर त्याे जवाफ सुन्ने बित्तिकै संसदमा हाँसाे गुन्जिएकाे थियाे ।

बहालवाला गृहमन्त्रीसँग सिंगो प्रहरी प्रशासनको कमाण्ड हुन्छ । उनी यताउता जाँदा अगुवा पछुवा हुन्छन् । उनीहरुले सुरक्षा प्रदान गर्नुका साथै बाटो अवरुद्ध भए पनि त्यसलाई पन्छाउँदै अघि बढ्छ । गृहमन्त्री आएपछि जाम भएको बाटो पनि हतार हतार खुलाइन्छ ।

तर, तिनै गृहमन्त्री ट्राफिक जाममा परेको भनियो भने हाँसोको पात्र बनिन्छ । यस्तै हाँसोको पात्र बनेका हुन सभामुख कृष्णबहादुर महरा ।

सभामुख कृष्णबहादुर महराले मन्त्री आउँदै गरेको भन्दै आसनग्रहण गर्न अनुरोध गरे तर, कांग्रेसका सांसदहरुले मानेनन् । सो क्रममा केहीबेर सभामुख र प्रतिपक्षी दलका सांसदबीच दोहोरो बहस भएको थियो । सभामुख महराले गृहमन्त्री ट्राफिक जाममा परेको र केहीबेरमै आइपुग्ने भनेपछि संसद हल हाँसोले गुन्जियो ।

तर प्रतिपक्षी दलका सांसदहरुले मन्त्रीविनाको मन्त्रालयगत बजेटमाथिको छलफलको औचित्य नहुने बताएपछि सभामुख महराले १० मिनेटका लागि बैठक स्थगित गरेका छन् ।