कांग्रेसले माग्यो ४ वटा समितिमा सभापति

काठमाडौं, १३ असार ९ प्रमुख प्रतिपक्षी दल नेपाली कांग्रेसले संघीय संसदमा ४ वटा सभापति दाबी गरेको छ । संघीय संसदमा बन्न लागेका विषयगत समितिमा यस्तो माग गरेको हो । प्रतिनिधिसभामा ३ र राष्ट्रियसभामा १ गरी ४ वटा समितिको सभापति पाउनुपर्ने दाबी कांग्रेसको छ ।

संसद् नियमावली पारित भएपछि संसदीय समितिहरु गठनको तयारीसँगै कांग्रेसले यस्तो दाबी गरेको हो। प्रतिनिधिसभा र राष्ट्रियसभामा गरी संसद्मा २३ प्रतिशत सांसद कांग्रेसका छन् । सोही प्रतिशतको आधारमा कांग्रेसले ४ वटा समितिमा सभापति दाबी गरेको हो।

कांग्रेसका प्रतिनिधिसभामा ६३ र राष्ट्रियसभामा १३ सांसद छन् । नियमावलीअनुसार १०, राष्ट्रियसभा नियमावलीअनुसार ४ र संयुक्त नियमावलीअनुसार दुईवटा संयुक्त समिति र एउटा महाभियोग सिफारिस समितिसहित १७ वटा संसदीय समिति गठन हुनेछन्।