फ्राइडे रिलिज : साइँली कि शुभ लभ – कुन मन पर्ला दर्शकलाई ?
सारांश
- शुक्रबारदेखि शुभ लभ र साइँली प्रदर्शनमा आएका छन् ।
- प्रदर्शनमा आएका दुई फिल्ममध्ये साइँली कबड्डी फेम निर्देशक रामबाबु गुरुङले निर्देशन गरेका हुन् ।
- त्यस्तै शुभ लभको निर्देशक सन्तोषबाबु लोहनी हुन् ।
शुक्रबारदेखि शुभ लभ र साइँली प्रदर्शनमा आएका छन् । प्रदर्शनमा आएका दुई फिल्ममध्ये साइँली कबड्डी फेम निर्देशक रामबाबु गुरुङले निर्देशन गरेका हुन् । त्यस्तै शुभ लभको निर्देशक सन्तोषबाबु लोहनी हुन् ।
हेमन्त रानाको साइँली गीत चर्चित भएपछि सोही गीतमा आवद्ध भएका गौरव पहाडी, रानाको सहकार्यमा साइँली निर्माण गरिएको हो । साइँलीमा गौरव बाहेक मेनुका प्रधान, दयाहाङ राई, केनिपा सिंह लगायतको अभियन छ ।
त्यस्तै शुभ लभमा सेलिब्रेटी ज्योतिष हरिहर अधिकारी लिड रोलमा छन् । हरिहरको अपोजिटमा क्रिष्टिना पौडेल छिन् । शुभ लभ दुवैको डेब्यू फिल्म हो । हरिहर र क्रिष्टिना बाहेक फिल्ममा सरोज खनाल, राजाराम पौडेल, रविन्द्र झा, प्रदिप बास्तोला लगायतको पनि अभिनय रहेको छ ।
कसको पल्ला भारी ?
स्टारकास्टको हिसावले शुभ लभभन्दा साइँलीको पल्ला अलि भारी देखिन्छ । रामबाबु गुरुङको निर्देशन रहेको फिल्म प्रति सञ्चारकर्मी तर दर्शकको विश्वास अलि बढि देखिन्छ । तर उनको पछिल्लो फिल्म पुरानो डुंगाका कारण भने पछिल्लो समय दर्शकहरु भड्किएको अवस्था हो । यद्यपी फिल्ममा रहेका गौरव, मेनुका र दयाहाङ लगायतका कारण दर्शक हलसम्म पुग्न सक्ने सम्भावना चाहिँ नभएको होइन । यद्यपी केही समययता यी सब कलकारको स्टारडम खस्किएका कारण हलसम्म दर्शक तान्न सक्छन् भन्नेमा विश्वस्त हुन सकिन्न । तर फिल्मको प्रिमियर पश्चात साइँलीले सकरात्मक समीक्षा र टिप्पणी भने पाइरहेको छ । गरिबी र अभावको कथालाई उठाएको यो फिल्मलाई नेपाली माटो सुहाउँदो भनेर समीक्षक तथा पत्रकारबाट प्रतिक्रिया प्राप्त भएको छ ।
ज्योतिष विद्या र पूर्वीय आयुर्वेद उपचार पद्धतीमा आधारित रहेर निर्माण भएको लभस्टोरी फिल्म हो शुभ लभ । प्रदर्शनको पहिलो दिनको तुलना गर्ने हो भने साइँली भन्दा शुभ लभले पाएको दर्शक कम आँक्न मिल्दैन । साइँलीकै हाराहारीमा दर्शक पाएको छ शुभ लभले पनि । बरु शुक्रबारको बिहानी सोमा कतिपय हलमा दर्शक नभएका कारण साइँलीको सो रद्द गरिएको खबर बाहिरिएको छ ।
युवायुवती बीच सेलिब्रेटी इमेज बनाएका कारण पनि हरिहरको पकेट फलोअर रहेका छन् । उनको ज्योतिष इमेजका फलोअरका कारण पनि शुभ लभले दर्शक पाउने सम्भावना देखिएको छ । तर हलले दर्शक नपाउने खडेरी लागिरहेको समय त्यसको मार यी दुई फिल्ममा पनि नपर्ला भन्न सकिन्न ।
प्रतिक्रिया