कर्णालीकी छोरी कमला र भुवन केसीका छोरा अनमोलको हुने भो भिडन्त
सारांश
- काठमाडौं, २० साउन ।
- चर्चित नायिका एवम् सामाजिक अभियानमा सक्रिय रेखा थापाले निर्माण गरेको चलचित्र “मालिका” र नायक भुवन केसीका छोरा युवा स्टार अनमोल केसीले अभिनय गरेको चलचित्र “क्याप्टेन”बीच भिडन्त हुने सम्भावना बढेर गएको छ ।
- एकातिर नायक भुवन केसी र नायिका रेखाबीच पानी बाराबारको अवस्था छ भन्ने हल्ला चल्नु र अर्कोतिर यी दुईतिरका दुई फिल्मको प्रदर्शन समय एउटै पर्ने सम्भावनाले सिनेनगरीमा चर्चाको विषय बनेको छ ।
काठमाडौं, २० साउन । चर्चित नायिका एवम् सामाजिक अभियानमा सक्रिय रेखा थापाले निर्माण गरेको चलचित्र “मालिका” र नायक भुवन केसीका छोरा युवा स्टार अनमोल केसीले अभिनय गरेको चलचित्र “क्याप्टेन”बीच भिडन्त हुने सम्भावना बढेर गएको छ । एकातिर नायक भुवन केसी र नायिका रेखाबीच पानी बाराबारको अवस्था छ भन्ने हल्ला चल्नु र अर्कोतिर यी दुईतिरका दुई फिल्मको प्रदर्शन समय एउटै पर्ने सम्भावनाले सिनेनगरीमा चर्चाको विषय बनेको छ ।
चलचित्र “मालिका” विशुद्ध सामाजिक चलचित्र हो । मालिकाकी निर्देशक समेत रहेकी नायिका रेखा थापाले मालिकाले नेपाली समाजमा छोरीहरुमाथि भएका अन्याय, बेथितिहरुलाई उजागर गरेको छ र त्यसको समाधानको ऐना देखाएको छ । यो चलचित्रको अर्को पाटो के छ भने यसमा कर्णालीकी छोरी कमला वलीले डेब्यू गरेकी छन् । कहिल्यै गाडी नदेखेकी, टेलिभिजन नहेरेकी र बालविवाहको चर्को विकृति रहेको कर्णालीबाट बिल्कुल गाउँकी छोरीलाई लिएर रेखाले कमलाई डेब्यू गराएकी छन् । चलचित्र प्रदर्शनको समय जुधेमा एकातिर गाउँकी छोरी र अर्कातिर स्टार भुवन केसीका छोरा युवास्टार अनमोल केसीबीचको भिडन्त हेर्नलायक हुनेछ ।
महिलाले वास्तविक जीवन जिउन नपाएरै चोला बदल्न विवश हुने र महिलालाई महिला बन्नकै लागि दिइने तालिमहरु बन्द गर्नुपर्छ भन्ने उद्घोष तथा राष्ट्र र राष्ट्रियताप्रति ओतप्रोत भएको चलचित्र हो, मालिका । महिलाको सम्मान र भूमिका लगायतका विषयवस्तु मालिकाले समेटेको छ भने यता “क्याप्टेन”को विषयवस्तु भने सार्वजनिक भएको छैन ।
चलचित्र जगतमा चलचित्र व्यापार हो वा कला ? समाज रुपान्तरणको सन्देशसहितको कला हो वा सस्तो मनोरञ्जन ? चलचित्र तडकभडक र रमझम मात्रै हो कि समाज रुपान्तरणको सशक्त हतियार ? चलचित्र ज्ञान बृद्धिको माध्यम हो कि फगत मनोरञ्जन ? भन्ने प्रश्नहरु उब्जिएका छन् । यही प्रश्नमाझ यी दुई चलचित्रको भिडन्त हुने देखिएको छ । युट्युबको भ्युजलाई आधार मानेर वाहवाही मच्चाउने र वास्तविक नेपाली जनजीवनको चित्रण र रुपान्तरणको बाटो कोर्ने चलचित्रबीच भेद कोर्नैपर्ने देखिएको छ ।
नेपाली चलचित्र इतिहासमा रेखा थापा आफ्नै बलबुतामा करीव डेढ दशकभन्दा लामो समयदेखि एकछत्र राज गर्दै आएकी नायिका हुन् । नेपाली चलचित्रमा नारी पात्रको हिरोइज्म भित्राउने उनै रेखा थापा हुन् । यति लामो समयसम्म चलचित्र क्षेत्रमा जमिरहने र धुरीमै रहने महानायिका नै हुन् रेखा । उनले चलचित्रमा उठाएका विषयबस्तु र उनको राजनीतिक, समाजिक सम्बन्ध र चेतका कारण पनि उनी अरु भन्दा भिन्न छिन् ।
“साथी म तिम्रो”, “दुनियाँ” लगायतका फिल्ममा सँगै काम गरेका नायक भुवन केसी र नायिका रेखा थापाबीच मनमुटावको विषय पनि त्यति ठूलो भने होइन । रेखाले “कलाकारहरुलाई आफ्नै बलबुतामा उभिन दिनुपर्छ र कलाकारितामा जम्न दिनुपर्ने आशयसहित एक–दुई फिल्म हिट हुँदैमा “मेघास्टार” भनिनु गलत रहेको बताएपछि नायक भुवन केसी रेखासँग रुष्ट भएको अनुमान लगाउन सकिन्छ । किनकि केही चलचित्र हिट भएपछि भुवनका छोरा अनमोललाई “मेघास्टार” भन्न थालिएको थियो । आफ्नो छोरालाई मेघास्टार भनिएको प्रति रेखाले विरोधको स्वर उठाउनु भुवनका लागि पाच्य नभएको हुनसक्छ ।
प्रतिक्रिया