लागू-औषध सहित २ जना पक्राउ,अर्को घटना मा डुबेर १ बालक को मृत्यु
सारांश
- गाईघाट १८,भदौ।
- उदयपुर जिल्लाको त्रियुगा नगरपालिका-६ स्थित लालपत्ता नाकामा प्र.
- स.
गाईघाट १८,भदौ। उदयपुर जिल्लाको त्रियुगा नगरपालिका-६ स्थित लालपत्ता नाकामा प्र.स.नि.घनश्याम पोखरेल को नेतुत्व को चेकजाच टोलीले सोमबार लागू-औषध सहित २ जना पक्राउ परेका छन् ।
सोमबार दिउँसो ३:२० बजे कदमाहाबाट गाईघाटतर्फ जाँदै गरेको ना ५ ख ७९१८ नम्बरको बस चेकजाँच गर्ने क्रममा बसमा सवार उदयपुर जिल्ला त्रियुगा नगरपालिका-११ बस्ने वर्ष २२ को हरीशचन्द्र चौधरी र त्रियुगा नगरपालिका-१२ बस्ने वर्ष २१ को महेश बोटको साथबाट लागू-औषध डाईजेल्याब-२ एम्पुल, लुपिजेसिक-२ एम्पुल र फेनारगन-२ एम्पुल बरामद गरेको जिल्लाप्रहरी कार्यालय उदयपुर काडीएसपी मेघराज अधिकारी ले बताए।
त्यसै गरी उदयपुर जिल्लाको कटारी नगरपालिका-२ स्थित तावा खोलामा डुबेर सोमबार दिउँसो १ बालकको मृत्यु भएको छ ।मृत्यु हुनेमा जिल्ला उदयपुर कटारी नगरपालिका-२ बस्ने विनोद कुँवरको डेढ वर्षीया छोरा ऋषी कुँवर रहेका छन् । सोमबार दिउँसो १२ बजे घर नजिकै खेल्ने क्रममा बालक खोलामा डुबेपछि स्थानीयले उनलाई उद्दार गरी उपचारका लागि कटारी अस्पतालतर्फ लैजाने क्रममा बाटैमा उनको मृत्यु भएको हो ।
प्रतिक्रिया