सांसद माझीले राखिन्, झोलुङ्गे पुलदेखि सार्वजनिक बिदाको मागसम्म

काठमाडौं, १९ भदौ । प्रदेश नं. ३ को प्रदेश सभाको शून्य समयमा बोल्दै राष्ट्रिय प्रजातन्त्र पार्टीकी सांसद रीता माझीले विभिन्न मागहरु राखेकी छन् ।

सांसद माझीले रामेछाप जिल्लाको मन्थली नगरपालिका वडा नं. ७ को नबुवाघाटमा भइरहेको सुनकोशी नदीको कटानलाई रोक्न, खाँडादेवी गाउँपालिकाको वडा नं. १ कोथपे र सिन्धुली जोड्न झोलुङ्गे पुलको माग पनि गरिन् ।

सभामा बोल्दै माझीले दोलखा जिल्ला तामाकोशी गाउँपालिका वडा नं. १ चैतेघाटका माझी समुदाय जग्गामा रहेको बालुवा, गिटीमा सरकारी टेण्डर खोलेकोतर्फ ध्यानाकर्षण गराउँदै निष्पक्ष छानबिनको लागि समिति गठन गरिनु पर्ने माग राखिन् । त्यस्तै विभिन्न जातजाति, धर्म र परम्पराअनुसार मान्दै आएको चाडपर्वहरु माझीको लदिपुजा, प्रजातन्त्र दिवस, कृष्ण अष्टमीहरुमा सार्वजनिक विदाको व्यवस्था गर्न प्रदेश सरकारको ध्यानाकर्षण पनि गराएकी थिइन् ।