बर्थडेपार्टीमा बाेलाएर बलात्कार !
सारांश
- सिरहा, २५ कात्तिक ।
- बर्थडेपार्टीको बहानामा बोलाएर १५ वर्षीया बालिका र २० वर्षीया युवतीमाथी लहानमा सामूहिक बलात्कार भएको छ ।
- भाइटिकाको दिन कात्तिक २३ गते राति सामूहिक बलात्कारको घटना भएको हो ।
सिरहा, २५ कात्तिक । बर्थडेपार्टीको बहानामा बोलाएर १५ वर्षीया बालिका र २० वर्षीया युवतीमाथी लहानमा सामूहिक बलात्कार भएको छ । भाइटिकाको दिन कात्तिक २३ गते राति सामूहिक बलात्कारको घटना भएको हो ।
इलाका प्रहरी कार्यालय लहानका अनुसार लहान २२, लक्ष्मीपुर पतारी २ की बालिका र युवतीलाई सात जना युवकहरुले बलात्कार गरेका हुन् । उक्त घटनामा संलग्न रहेका तीन जनाको नाम खुलेको र चारजनाको नाम नखुलेको इलाका प्रहरी कार्यालय लहानका डिएसपी राजेश थापाले बताउनुभयो ।
लहान नगरपालिका ११ का २३ वर्षीय हरि चौधरी, २१ वर्षीय अनिल चौधरी र २१ वर्षीय सुनिल चौधरीको नाम खुलेको र चार जनाको नाम खुल्न बाकि रहेको डिएसपी थापाले बतानुभयो । पिडित दुवै जनाले दिएको बयानका आधारमा हरि चौधरीले आज मेरो बर्थडे हो बर्थडे पार्टीमा आउनु पर्यो भनि बोलाएको र २ जना मोटरसाइकलमा घरबाट लहान लिएर आउदा उसको कोठामा केहि बेर पछि अन्य पाच जना युवाहरुको एक समुह आयो र आफु माथि सामूहिक बलात्कार भएको पिडित युवतीले बताएकी छिन ।
पीडित बालिका र युवतीको स्वास्थ्य परीक्षण लहानस्थित रामकुमार उमाप्रसाद अस्पतालमा गरिएको छ । बलात्कार घटनामा संलगन सातै जना फरार रहेको हुँदा फरार सबै जनाको विशेष प्रहरी परिचालन गरि तिब्र गतिमा खोज तलास भइरहेको डिएसपी राजेश थापाले बताएका छन् ।
प्रतिक्रिया