दुई घन्टा डोलीमा चढेर भोट हाल्न आइन दुकादेवी

दाङ, असार १४ – दोस्रो चरणको चुनावका अनेक दृष्य देखिएका छन् । केटाकेटीलाई दूध चुसाउँदै, लौरोको सहारा लिँदै अनि ह्वीलचेयर गुडाउँदै मदानकेन्द्रमा पुगेको खबरहरु आइरहेका छन् । दाङ्गको एउटा पनि मदतान केन्द्रमा यस्तै दृष्य देखिएको छ, जहाँ ७६ वर्षकी दुकादेवी रावत पनि दुई घन्टा डोली चढेर भोट खसाल्न आइपुग्नुभयो ।

७६ वर्षकी दुकादेवी रावतलाई प्यारालाइसिस भएका कारण १४ वर्षदेखि हलचल गर्न सक्नुहुन्न । दैनिकी चलाउन अरुकै सहारा ल्याउनुपर्छ । तर उहाँलाई भोट हाल्ने इच्छाले साह्रै सताएपछि छोराहरुले घण्टा घन्टा डोलीमा चढाएर मतदान केन्द्रमा पुर्‍याए ।

दुकादेवीको घर मालेगाउँबाट घोराही उपमहानगरपालिका वडा नंबर १ को आधारभूत विद्यालय सिमलतारा मतदान केन्द्रमा आइपुग्न दुई घन्टा लाग्छ । तर पनि दुकादेवीका छोरा र छिमेकीले दुखै गरेर भएपनि उहाँको भोट हाल्ने इच्छा पूरा गरिदिएका छन् । १४ वर्षदेखि शरीर हलचल नगरेपनि स्थानीय तहको चुनावमा भने भोट हाल्न पाउँदा दुकालेवी दंग हुनुहुन्छ ।

सिमलतारा मतदान केन्द्रमै प्यारालाइसिस भएका दिदीभाइले बिहानै भोट हालेका थिए । सिमलतार केन्द्रमा २५ सय ३० जना मतदाता भएपनि धेरैजरो युवा विदेश भएकाले गाउँमा बुढाबुढी बढी रहेका छन् ।