मेलम्ची ठेकेदारको धरौटी जफतको निर्णय अदालतले रोक्यो
सारांश
- काठमाडौं ।
- उच्च अदालत पाटनले मेलम्ची खानेपानी आयोजनाको सुरुङ खन्ने इटालियन ठेकेदार कम्पनी सिएमसी भाग्न खोजेको उल्लेख गर्दै धरौटी रकम जफत गर्ने सरकारको निर्णय रोक लगाउन अल्पकालीन अन्तरिम आदेश जारी गरेको छ ।
- उच्च अदालत पाटनका मुख्य न्यायाधीश प्रकाशकुमार ढुंगानाको इजलासले आदेश जारी गरेको हो ।
काठमाडौं । उच्च अदालत पाटनले मेलम्ची खानेपानी आयोजनाको सुरुङ खन्ने इटालियन ठेकेदार कम्पनी सिएमसी भाग्न खोजेको उल्लेख गर्दै धरौटी रकम जफत गर्ने सरकारको निर्णय रोक लगाउन अल्पकालीन अन्तरिम आदेश जारी गरेको छ । उच्च अदालत पाटनका मुख्य न्यायाधीश प्रकाशकुमार ढुंगानाको इजलासले आदेश जारी गरेको हो ।
सिएमसीका तर्फबाट दायर भएको रिट निवेदनमा बिहिबार सुनुवाइ भएको थियो । सरकारको निर्णय आइतबारसम्मका लागि रोकेको हो । भोलि आइतबार अदालतले धरौटी जफत गर्ने सरकारको निर्णय कार्यान्वयन नगर्न भन्छ वा अर्को निर्णय गर्छ भन्ने हेर्न बाँकी छ ।
उच्च अदालतका रजिष्ट्रार बाबुराम दाहालका अनुसार आइतबार दुवै पक्षलाई छलफलका लागि बोलाइएको र धरौटी जफत गर्ने निर्णय आइतबारसम्म कार्यान्वयन गर्न रोक लगाइएको बताए ।
सिएमसीले मेलम्ची खानेपानी आयोजनालाई करीब दुई हप्ताअघि नै सम्झौता रद्द गर्ने सूचना दिएको थियो । गत आइतबार कम्पनीका कर्मचारीले भाग्ने तयारी गरेपछि सरकारले आठ जनाको राहदानी खोसेको थियो ।
प्रतिक्रिया