चलचित्र पत्रकार संघ, नेपालको सम्पन्न महाधिवेशनमा कोको चयन भए त ?

चलचित्र पत्रकार संघ, नेपालको अध्यक्षमा सन्दिप सापकोटा निर्वाचित भएका छन् । अध्यक्षका प्रत्याशी लक्ष्मण सुवेदी भन्दा सापकोटाले २१ मत बढी पाएका थिए ।

बुधवार काठमाण्डौमा सम्पन्न महाधिवेशनमा उपाध्यक्ष (संगठन)मा दिनेश सिटौला निर्विरोध निर्वाचित भए भने उपाध्यक्ष(कार्यक्रम)मा श्याम अर्याल निर्वाचित भए । महिला उपाध्यक्षमा गीता अधिकारी निर्वाचित भइन् ।

त्यस्तै महासचिवमा अनिल यादब बिजयी भए । यस्तै, सचिव पदमा बैकुण्ठराज पराजुली निर्वाचित हुँदा सचिव-समावेशी)तर्फ समिर बलामी निर्विरोध भएका छन् । यस्तै, कोषाध्यक्षमा कुबेर डंगोल र सह-कोषाध्यक्षमा जीबन पराजुली निर्विरोध भए ।

केन्दि्रय पार्षदमा डब्बु क्षेत्री, राजन घिमिरे, शान्तीप्रिय, सुब्रतराज आचार्य, विदुर गिरि, धनबहादुर खड्का, अशोकप्यासी राई, विष्णुप्रसाद सुवेदी र निमेश गौतम निर्वाचित भए ।

केन्दि्रय सदस्यमा बर्षा बस्नेत, उत्सव रसाइली, बाबु सुरेश दुलाल, कृष्ण भट्टराई, विकास लामिछाने र मनिष कार्की विजयी भए । समावेशी सदस्यमा बिशाल राई र महिलामा दिपज्योती थापा निर्विरोध भए । त्यस्तै केन्द्रिय पार्षद महिलामा स्वस्तिका चिलुवाल, जयन सुब्बा मानन्धर र रश्मी थापा निर्विरोध भए । अधिवेशले १६ जनालाई प्रदेश पार्षद निर्विरोध चयन गरेको छ ।