अछामका ४५ वर्षीय पुरुषको कोरोना सक्रमणबाट मृत्यु पुष्टि, कुल मृतक ३० पुग्यो

काठमाडौं, १७ असार । नेपालमा कोरोना भाइरसको संक्रमणबाट मृत्यु हुनेको संख्या ३० पुगेको छ । स्वास्थ्य तथा जनसंख्या मन्त्रालयले अछामका ४५ वर्षीय पुरुषको कोरोना संक्रमणबाट मृत्यु भएको पुष्टि गरेको हो ।

मृतक अछाम रारोशन गाउँपालिकाका बासिन्दा थिए । उनलाई स्वास प्रश्वासको समस्या भएपछि १३ असारमा बयलपाटा अस्पतालमा लगिएको थियो । मधुमेहका विरामी उनको १४ असारमा अस्पतालमै मृत्यु भएको थियो ।

मृतकको १६ असारमा कोरोना भाइरसको संक्रमण पुष्टि भएको थियो । उनलाई कुर्न बसेका दुईजनाको भने कोभिड १९ नमुना परीक्षणबाट रिपोर्ट नेगेटिभ मन्त्रालयका प्रवक्ता डा. जागेश्वर गौतमले जानकारी दिए ।

हालसम्म ३० जना कोरोना संक्रमितबाट मृत्यु भएकामा २४ पुरुष र ६ महिला छन् । देशका सबै जिल्लामा संक्रमित भेटिइसकेका छन् ।

मृतकको विवरण

अछाम रामरोशन ४५ वर्षका बयलपाटा अस्पतालमा १४ असारमा मृत्यु । १३ असारमा स्वासप्रश्वासमा समस्या आएपछि अस्पताल लगिएको थियो । मधुमेहको विरामी उनको मृत्युपछि नमुना परीक्षण गरेपछि १६ असारमा कोरोना संक्रमण पुष्टि । १७ असारमा स्वास्थ्य मन्त्रालयबाट पुष्टि