अन्तर्राष्ट्रिय सम्मेलनमा सम्बोधन गर्न महर अमेरिकातर्फ

काठमाडौं, २४ साउन । नेपाल विद्यार्थी संघका अध्यक्ष नैनसिंह महर अमेरिकामा हुने एक अन्तर्राष्ट्रिय सम्मेलनमा भाग लिन अमेरिका प्रस्थान गरेका छन् ।

अगस्ट ९ देखि १२ सम्म अमेरिकाको न्युयोर्कमा हुने अन्तर्राष्ट्रिय युवा सम्मेलनमा भागलिन नेपाल विद्यार्थी संघका केन्द्रीय अध्यक्ष महर, महामन्त्री सरोज कुमार थापा एवं अध्यक्षका बैदेशिक सल्लाहकार डम्बर सुनार मंगलबार अमेरिका प्रस्थान गरेका हुन् ।

साता दिन लामो भ्रमणका क्रममा युवा सम्मेलन केन्द्रित पार्ने बताइएको छ । सम्मेलनमा अध्यक्ष महरले सम्बोधन गर्ने छन् । संयुक्त राष्ट्र संघ युवा सम्मेलनमा नेविसंघको प्रतिनिधित्व भएको यो पहिलो पटक हो । युवा नेतृत्व बिकासका लागि अन्तर्राष्ट्रिय स्तरमै सम्बोधन गर्ने अवसर प्राप्त भएको छ, आर्थिक स्तरमा निकै अगाढी बढेका मुलुकले नेपालजस्ता राष्ट्रमाका शैक्षिक, सामाजिक बिकासमा लाग्नुपर्ने बिषयमा केन्द्रित हुने अध्यक्ष महरले बताए ।

अमेरिका बसाइका क्रममा अध्यक्ष महरले उठाउँदै आएका नैतिक शिक्षा, ब्यबहारिक शिक्षा संगै विभिन्न शैक्षिक बिषयमा शिक्षा क्षेत्रका विभिन्न व्यक्तित्वसंग छलफल हुने बताइएको छ । महरको विदाइमा विमानस्थल परिसरमा सयौं विद्यार्थीको उपस्थिति थियो ।