आज मध्य तथा पश्चिममा पानी, हिमाली भेगमा हिउँ पर्ने

काठमाडौं, १० माघ- काठमाडौंमा अहिले बिहान हल्का वर्षा शुरु भएको छ । वर्षासँगै उपत्यकाको मौसम चिसो भएको छ । मौसम पूर्वानुमान महाशाखाका अनुसार आज दिनभर मध्य तथा पश्चिमी केही ठाउँमा वर्षा हुने जानकारी दिएको छ । त्यसैगरी पूर्वी क्षेत्रका केही ठाउँहरुमा हल्का तथा सामान्य वर्षा हुने जनाएको छ । हिमाली क्षेत्रका केही स्थानमा हल्का देखि मध्यम खालको हिमपात हुने देखिन्छ ।

महाशाखाका अनुसार देशको सुदुर पश्चिमबाट पश्चिमी न्यून चापीय प्रणाली नेपाल भित्रिएको हो । यस प्रणालीले देशका पश्चिमी भागका केही स्थानमा हल्का वर्षा र उच्च पहाडी र हिमाली भेगमा हल्का देखि मध्यम खालको हिमपातको संभावना बताएको छ ।

आज राति पूर्वी तर्फ साधारण बदली र आंशिक बदली रहने र हल्का पानी समेत पर्ने अनुमान मौसम पूर्वानुमान महाशाखाको छ । बिहान पौने ६ बजेपछिको तापक्रम ८ डिग्री रहेको महाशाखाले जनाएको छ ।