आज सरकारमा मन्त्री थपिने सम्भावना, यी हुन चर्चित नाम
सारांश
- काठमाडौं, २ चैत- प्रधानमन्त्री केपी शर्मा ओलीले बाम गठबन्धन सरकारको नेतृत्व गरेको महिनादिन पुगिसक्दा पनि मन्त्रिपरिषदले अझै पूर्णता पाइसकेको छैन ।
- आज शुक्रबार मन्त्रिपरिषद विस्तार गर्ने तयारी रहेको छ ।
- सरकारको आज विस्तार हुनसक्ने मन्त्री लालबाबु पण्डितले बताएका छन् ।
काठमाडौं, २ चैत- प्रधानमन्त्री केपी शर्मा ओलीले बाम गठबन्धन सरकारको नेतृत्व गरेको महिनादिन पुगिसक्दा पनि मन्त्रिपरिषदले अझै पूर्णता पाइसकेको छैन । आज शुक्रबार मन्त्रिपरिषद विस्तार गर्ने तयारी रहेको छ ।
सरकारको आज विस्तार हुनसक्ने मन्त्री लालबाबु पण्डितले बताएका छन् । नेकपा एमाले, माओवादी केन्द्र, संघीय फोरम, राजपालाई समेत समेटेर सरकारलाई पूर्णता दिने तयारीमा प्रधानमन्त्री ओली लागेका हुन्।
प्रधानमन्त्रीले हिजो माओवादी अध्यक्ष पुष्पकमल दाहाल प्रचण्ड, संघीय फोरमका अध्यक्ष उपेन्द्र यादव र राजपाका नेतासँग अनौपचारिक छलफल गरेको बताइएको छ ।
सरकारमा कास कसलाई पठाउने भन्ने बारेमा एमाले र माओवादी भित्र केही नामको चर्चा चलेपनि अझै निक्र्यौल भने भइ नसकेको नेताहरुले बताएका छन् ।
यस अघि नै भागण्डा मिलाइसकेका दुई पार्टी एमाले र माओवादीले फोरम र राजपालाई भाग दिनुपर्ने भएको छ । दुवै पार्टीका मन्त्रालय घटाएर दिँदा एमालेलाई प्रधानमन्त्रीसहित १०, माओवादीलाई ६ र फोरमलाई २ मन्त्रालय भाग पर्ने बताइएको छ । राजपा सरकारमा आए दुई मन्त्रालय दिनुपर्नेछ ।
६ मन्त्रालय पाउँदा उसले प्रदेश ७ बाट बिना मगर, प्रदेश २ बाट गिरिराजमणि पोखरेल, प्रदेश ५ बाट वर्षमान पुन र प्रदेश ६ बाट नेताद्वय जनार्दन शर्मा र शक्ति बस्नेतमध्ये एकलाई पठाउने तयारी गरेको छ।
एमालेबाट भने प्रदेश १ बाट भानुभक्त ढकाल, योगेश भट्टराई, वसन्त नेम्बाङ, २ बाट रघुवीर महासेठ, ३ बाट कृष्णगोपाल श्रेष्ठ, गोकुल बास्कोटा, प्रदेश ४ बाट रवीन्द्र अधिकारी, प्रदेश ५ बाट प्रदीप ज्ञवाली र छविलाल विश्वकर्मा, ७ बाट प्रेम आले र नारदमुनि रानाको नाम चर्चामा छ। एमालेले अब पाँच वटा मन्त्रालयमा मन्त्री पठाउनुपर्नेछ।
प्रतिक्रिया