आफ्नो मृत्युको समाचारले विन्दू सिटौला आश्चर्यमा, किन भयो यस्तो ? (भिडियोसहित)

झापा । बाढीको कारण झापामा मात्रै ११ को ज्यान गयो । यहि हेडलाईन राखेर पत्रपत्रिकामा प्रकाशित पनि भयो । अझ सरकारी स्वामित्वकै राष्ट्रिय समाचार समितिबाट यो समाचार सम्प्रेशण भएपछि राष्ट्रिय तथा अन्र्तराष्ट्रिय रुपमा प्रचार भयो कि गुमाउनेमा विन्दु सिटौला लगायतहरु छन् । र यहि समाचार अनलाईन माध्यमहरुमा पनि प्रकाशित भए ।

आफ्नो मृत्युको समाचार आफैंले सुन्दा तपाई कस्तो अनुभव गर्नुहुन्छ होला ? यो कल्पना समेत गर्न नसकिने प्रसंग यथार्थमै भइदियो, झापाकी बिन्दु सिटौलाको जीवनमा । झापा दमक–५ की बिन्दु सिटौलाले आफ्नो मृत्युको खबर आफैले सुनिन्, हेरिन र पढिन् पनि । र त्यसयता उनी मानसिक तनावमा छिन् । उनको मृत्युको बखर सुनेका आफन्त र शुभचिन्तक समवेदना प्रकट गर्छन् । कतिपय घरमै आउछन् र घटनाबारे बुझ्छन् । जसले गर्दा उनलाई मानिसक पिडा छिन् ।

गत साउन २७ गते शुक्रबार झापामा अबिरल बर्षासँगै आएको बाढीले झापामा धेरैले ज्यान गुमाए । र विभिन्न स्थानहरुबाट मृत्युका खबरहरु आए । बाढीले बगाएर सोही दिन राती बिन्दुको लक्की टे«डर्स एण्ड सप्लार्यसका कामदार भारत सिलीगुढीका तपोस मण्डलको मृत्यु भयो । स्थानीय दिपीनी खोलाले बगाएर तपोस मण्डलको मृत्यु भएपछि जिल्ला प्रहरी कार्यालय झापा र रेडक्रस झापाले मण्डल भारतीय नागरिक भएकाले ‘बिन्दु सिटौलाको फर्निचर उद्योगमा काम गर्ने तपोस मण्डलको मृत्यु भएको’ भनी पुष्टी गरे । तर, कतिपय सञ्चार माध्यमले मृतक तपोस मण्डलको नाउ नहेरी बिन्दु सिटौलाको मृत्युको खबर प्रकाशन, प्रशारण गरे । त्यसपछि सिटौलाको मृत्युको खबर फैलियो र यसले उनलाई निक्कै दुखित बनाएको छ ।

मृत्युको न्यूज सुनेपछि आफ्नो व्यवसायमा नराम्रो प्रभाव परेको बिन्दुको अनुभव छ । आफुले त्यस्तो समाचार सुने यता आफु बिरामी समेत परेको उनी बताउँछिन् ।बिन्दुका श्रीमान् गौरव पाठकले आफ्नो मृत्युको न्यूज सुनेपछि बिन्दु मानसिक रुपमा तनावमा रहेको बताए । बिन्दु गर्भवती समेत रहेकाले यसको असर बच्चामा पर्ने भन्दै गौरवले चिन्ता व्यक्त गरेका छन् ।

साँच्चै त्यो समाचार पढेका अनी सम्पर्कमा नरहेका आफन्तहरुले विन्दु रहिनन् नै भनेका छन् । अनी सबै आफन्तहरुलाई शोकमग्न बनाएको छ । एउटा समाचार जुन प्रमाणित र पुष्टि विना नै प्रकासन प्रसारण गरिदिँदा विन्दुका परिवार पिडित बनेका छन् भने समाचारको विश्वसनीयता नै गुमेको छ । र अहिलेपनि विन्दुलाई नराम्रो लागेकै छ । र, यस्ता न्यूजहरुले समग्र पत्रकारिता क्षेत्रकै विश्वनियतामाथि शंका थपेको छ । र, यस्ता प्रवृत्तिहरु सच्चाउन विन्दू र उनका परिवारको आग्रह छ ।