इयूको सुझावप्रति बाबुरामको कटाक्ष : गुड र गोबर नचिन्नेले थुतुनो नचलाएकै वेश !

काठमाडौं : युरोपियन युनियन(इयू)ले नेपालमा खस आर्य समुदायको समानुपातिक प्रतिनिधित्वको व्यवस्था हटाउन दिएको सुझावप्रति नयाँ शक्तिका संयोजक एवम् पूर्वप्रधानमन्त्री बाबुराम भट्टाईले कडा प्रतिक्रिया दिएका छन् ।

बाबुरामसहित केही दलका नेताले सामाजिक सञ्जाल मार्फत इयूको उक्त सुझावको अडान टिप्पणी गरेका छन् । निर्वाचनको पर्यवेक्षणका लागि नेपालमा आएको युरोपियन युनियनको निर्वाचन पर्यवेक्षण मिसनले मंगलबार प्रतिवेदन बुझाउँदै खसआर्यलाई समानुपातिक कोटाबाट हटाउन सुझाव दिएको थियो ।

बाबुराम, राप्रपा अध्यक्ष कमल थापा, एमालेका सचिव योगेश भट्टराई लगायतले ट्विटरमार्फत इयूको सुझावको कडा आलोचना गरेका छन् । नेताहरुले इयू सुझावलाई हस्तक्षेपको रुपमा लिएका छन् । उनीहरुले नेपालको संविधानले गरेको समानुपातिक समावेशी प्रतिनिधित्वको विषय मात्र बोल्नु उपयुक्त नहुने बताएका छन् ।

बाबुरामले इयू सुझावलाई आपत्तिजनक उर्दीको रुपमा टिप्पणी गरेका छन् । उनले नेपालको संविधान आरक्षणको व्यवस्था नभएको बताउँदै समानुपातिक प्रतिनिधित्वको कुरालाई विदेशी नियोगले आरक्षण आपत्तिजनक भएको भन्दै विरोध जनाएका हुन् ।

राप्रपा अध्यक्ष कमल थापाले संविधानमा भएको व्यवस्था खारेज गर्न इयूले सुझाव दिनु अवान्छित, अनावश्यक र हस्तक्षेपकारी भएको भन्दै आलोचना गरेका छन् । उनले जातीय रुपमा विवाद र विभाजन ल्याउने काम इयूले गरेकोले सचेत हुन नेपाली जनतालाई आग्रह गरेका छन् ।

नेकपा एमालेका सचिव एवं प्रचार विभाग प्रमुख योगेश भट्टराईले खस आर्य समुदायको सम्बन्धमा इयूले टिप्पणी गर्नु दुर्भाग्यपूर्ण भएको बताए । उनले इयूको भनाइले जातीय एकता र साम्प्रदायिक सदभावमा गम्भिर असर पर्न सक्ने भन्दै उक्त भनाइ फिर्ता लिन माग गरेका छन् ।अन्नपूर्ण पोस्ट बाट

(https://bettysco.com)