उदयपुरमा प्रहरीले अफिम खेती नष्ट गर्यो
सारांश
- अस्बिन खडका, फागुन १८ – उदयपुर बेलका नगरपालिका २ मा गैरकानुनी मानिएको अफिम खेती प्रहरीले नष्ट गरेको छ ।
- अफिम खेती गर्ने गिरोह सक्रिय हुँदै गएपनि प्रहरीले सक्रियता बढाएको हो ।
- लागूऔषध खैरो हिरोइन बनाउन प्रयोग गरिने र महंगोमा बिक्री हुने हुँदा अफिम खेती गर्ने, गिरोह सक्रिय हुँदै गएको हो ।
अस्बिन खडका, फागुन १८ – उदयपुर बेलका नगरपालिका २ मा गैरकानुनी मानिएको अफिम खेती प्रहरीले नष्ट गरेको छ । अफिम खेती गर्ने गिरोह सक्रिय हुँदै गएपनि प्रहरीले सक्रियता बढाएको हो ।
लागूऔषध खैरो हिरोइन बनाउन प्रयोग गरिने र महंगोमा बिक्री हुने हुँदा अफिम खेती गर्ने, गिरोह सक्रिय हुँदै गएको हो । अफिमका बोट लगाइएको सूचना पाएपछि प्रहरी पुगेर बोट काटी ट्याक्टर लगाएर जोतेको प्रहरी प्रमुख नवराज भट्टले बताए ।
जिल्ला प्रहरी कार्यालयमा प्रमुख भट्ट आएपछि विशेष टोली परिचालन गरेका हुन् । प्रमुख भट्टले ईलाका प्रहरी रामपुर क्षेत्रमा विषेश टोली परिचालन गरी विशेष सुराकीको आधारमा निगरानी गरेको बताएका छन् । त्यस स्थानमा निगरानीका आधारमा रामपुर प्रहरीको संयुक्त टोली त्यस ठाउँमा पुगेको थियो ।
उदयपुरमा अफिम खेतीमा बराह नगरपालिका ९ प्रकाशपुर सुनसरी घर भई हाल उदयपुर वेलका टप्पु बस्ने परेश मण्डल उनका बुवा रामदास र छोरा पवन चन्द्रवंशी संलग्न रहेको प्रहरीले बताएको छ । प्रहरीका अनुसार स्थानीयलाई अफिम भन्ने थाहा नभएका कारण उनीहरुले खेती गरेको हो । अफिम खेतीमा संलग्न रहेकालाई कार्वाही गरिने प्रहरीले जनाएको छ ।
प्रतिक्रिया