उदयपुरमा सर्प ले डसेर एक महिलाको मृत्यु

अस्बिन खड्का, १६ साउन। उदयपुरको कटारी नगरपालिका २ मा एक महिलाको बिषालु सर्प को डसाइबाट मृत्यु भएको छ । कटारी २ स्थित घर भएकी २३ वर्षिय यसोदा कट्टेल लाई मंगलबार सर्पले डसेर ज्यान गएको हो । घर लिप पोत गर्न माटो लिन गोठमा गएको बेला कट्टेललाई सर्पले टोकेको थियो ।

सर्पले डसेपछि उनलाई कटारी–१ स्थित बेलसोत मा रहेको नेपाली सेना को सर्प दंश उपचार केन्द्रमा लगिएकाे थियाे ।अन्तिम अवस्था भईसकेको, बोल्न नसक्ने र घाटी च्यापेकोले र उपचारको लागि पर्याप्त उपकरणहरू नभएको उपचार केन्द्रले बताएपछि बाहिर लैजान सुझाव दिएको मृतकका आफन्त मोहन कट्टेलले जानकारी दिए । उनलाई थप उपचारको लागि चोहर्वा नेपाली सेनाको क्याम्पमा रहेको सर्प दंश उपचार केन्द्रमा लैजाने क्रममा बाटोमै मृत्यु भएको कट्टेलले बताए । असार र साउनमा मात्र कटारी मा सर्पले डसेर ५ जना को मृत्यु भैसकेको छ ।