कार्यक्रम तथा बजेटलाई प्रभाबकारी रुपमा कार्यान्वायन गर्ने प्रदेश सरकारले नीति !

हेटौडा, १५ भदाै । प्रदेश नं ३ सरकारले आ ब २०७५/२०७६ को नीति कार्यक्रम तथा बजेटलाइ प्रभावकारी रुपमा कार्यान्वायन गर्ने भएको छ । नेपालको संविधानले प्रदेश सरकारलाई दिएका अधिकार तथा कार्यजिम्मेवारिहरुको सन्दर्भमा प्रदेश नीति तथा योजना आयोगका उपाध्यक्ष डा खिमलाल देबकोटाको अध्यक्षतामा बसेको प्रदेशको सचिवस्तरीय नीतिगत परामर्श तथा समन्वय बैठकले उक्त निर्णय गरेको हो।

बैठकमा प्रदेश सरकारले हालसम्म बनाएका नीति ,कानुन ,मापदण्ड र योजना कार्वान्वयन स्थितिको समेत समिक्षा हुनुका साथै प्रदेशका एकल तथा साझा अधिकार सुचिमा निहित कार्यबिस्त्रितिकरण प्रतिबेदन २०७३ ,प्रदेश सरकार (कार्य विभाजन ) नियमावली २०७४ ,प्रदेश सरकारको २०७५/२०७६ को नीति तथा कार्यक्रम ,बजेट बक्तब्य ,आदिका आधारमा प्रदेश सरकारले निर्माण गर्नुपर्ने नीति कानुन र मापदण्डलाई तिब्रता दिने निर्णय भएको हो। बैठकमा आवधिक योजना तर्जुमा सम्बन्धमा सरोकारवालाहरुसंग बृहत छलफल गरि सहभागितामुलक ढंगले योजना तर्जुमा गर्ने ,परियोजना बैंक स्थापना गर्ने ,आयोजनाहरुको प्रभावकारी अनुगमन गर्ने साथै दरबन्दी अनुसारका कर्मचारीहरुको पूर्ति गराउन पहल गर्ने जस्ता सुझाब आएको बताइएको छ।

बैठकमा आयोगका सदस्य श्याम कुमार बस्नेत लगायत प्रदेश प्रमुख सचिब आनन्दराज ढकाल ,लगायत मुख्यमन्त्री तथा मन्त्रिपरिषद कार्यालयका सचिब रमेश शिवाकोटी ,आर्थिक मामिला तथा योजना मन्त्रालयका सचिब केशब प्रसाद भण्डारी ,आन्तरिक मामिला तथा कानुन मन्त्रालयका सचिब राजकुमार श्रेष्ठ ,उद्योग ,पर्यटन तथा बन मन्त्रालयका सचिब शिब कुमार वाग्ले ,प्रदेश ३ सचिवालय सचिब भरत बुढाथोकी ,भुमि व्यवथा कृषि तथा सहकारी मन्त्रालयका सचिब डा बिजयचन्द्र झा पूर्वाधार बिकास सचिब कौशल किशोर झा ,सामाजिक विकास सचिब दिर्घंनारायण पौडेल तथा आयोगका निमित्त सचिब आत्माराम सत्यालको उपस्थिति रहेको थियो।