खुकुरी प्रहार गर्ने पक्राउ

चितवन, १५ भदौ
भरतपुर महानगरपालिका– २ क्षेत्रपुर घर भई चौतारी यातायातमा काम गर्ने ३० बर्षीय दिलिप सुनारलाई प्रहरीले पक्राउ गरेको छ ।
भरतपुर महानगरपालिका–१ हड्डी टोल (सुकुम्बासी बस्ती ) मा तास खेलिरहेको खबर प्राप्त हुनासाथ वडा प्रहरी कार्यालय नारायणगढ चितवनमा कार्यरत रहि पोखरा बसपार्कमा पिकेट ड्युटीमा रहेका प्रहरी जवान तारा प्रसाद पोख्रेल बुधबार उक्त स्थानमा पुग्दा तास खेल्ने सबै भागेको र मादक पदार्थ सेवन गरेका सुनारलाई उक्त स्थानबाट जानु भन्दा सुनार आक्रोसमा आई प्रहरी जवान पोख्रेललाई अचानक पछाडीबाट खुकुरी प्रहार गरेका थिए । घाइते पोख्र्रेललाई उपचारको लागि चितवन मेडिकल कलेज भरतपुरमा लगिएको छ ।
प्रहरीले अन्य फरार व्यक्तिहरुलाई खोजतलास गर्ने क्रममा भरतपुर महानगरपालिका–२ क्षेत्रपुर वस्ने १८ बर्षीय लक्ष्मण थापा मगर, २४ बर्षीय साजन थापा मगर र १४ बर्षीय रुपेश सुनारलाई समेत नियन्त्रणमा लिएको छ ।
यस सम्बन्धमा प्रहरीले आवश्यक अनुसन्धान गरिरहेको छ ।