चेङ्गिज खाँका डेढ करोड दरसन्तान संसारभर

सन् २००३ म गरिएको डिएनए अध्ययनले एक करोड ६० लाख मान्छेहरू विगतका मङ्गोल शासकको जीन रहेको देखायो । उनीहरू चेङ्गिज खाँ र उनका दाजुभाईबाट जन्मिएकाहरूका सन्तती थिए । सँसारको प्रत्येक दुईसय मध्येबाट एक चेङ्गिजको सन्तान रहेको तथ्य पत्ता लाग्यो । चेङ्गिजले जहाँ युद्ध जित्थे त्यहाँ ताण्डव मच्चाउथे ।

विनाश नै गरेपछि त्यहाँका सुन्दर स्त्रीलाई करणी गरी सन्तान उत्पादन गर्थे । उनले आकर्षक युवतीलाई करणी गरी हजारौं सन्तानोत्पादन गरेका थिए । तिनका सन्तान दरसन्तान हुँदै साँढे सात सय वर्षमा डेढ करोडभन्दा बढी जन्मिए । मध्य र उत्तर एशियामा आफूलाई चेङ्गिज खाँको सन्तान दाबी गर्नेहरू छन् । दाबीहरू सत्यको निकट छन् ।

किनभने चेङ्गिज खाँन र उनको सेनाले मध्य र उत्तर एशियाका धेरै भू–भागमा आधिपत्य जमाएर विध्वंश मच्चाउनुका अलावा बलात्कार गरी गर्भवती बनाइदिएका थिए ।खाँन स्वयं युद्ध जितेपछि उच्च घरानियाँ परिवारका स्त्रीलाई जर्बजस्ती गरेर सन्तान जन्माउँथे । युद्ध जित्नु र जहाँ गयो त्यही सन्तान जन्माउनु उनको उद्देश्यभित्र पर्दथ्यो ।

एशियाका अधिकांश भू–भाग र यूरोपसम्म साम्राज्य फैलाउँदा चेङ्गिज खाँन र उनका सैनिकले गरेको बलात्कारबाट मङ्गोलियन जिन फैलिएको अनुमान गरिन्छ । खाँ मंगोलिय साम्राज्यका संस्थापक हुन् । ११६२ मा जन्मिएका खाँको १२२७ मा निधन भएको थियो ।खाँको निधन पछि पनि उनले स्थापना गरेको मंगोल साम्राज्य लामो समयसम्म चलेको थियो ।