छोरीको संख्या बढाउनु पर्यो: सांसद पौडेल

काठमाडौं , ३० साउन । सांसदहरुले भविष्यमा महिलाको संख्या कम हुने तर्फ बेलैमा ध्यान पु¥याउन सुझाव दिएका छन् । बुधबार ‘सुरक्षित मातृत्व तथा प्रजनन् अधिकार सम्बन्धी विधेयक, २०७५’ माथि छलफलमा भाग लिदै सांसदहरुले भु्रण हत्याका कारण समाजमा बालकको संख्या अनुसार बालिकाको जन्म कम हुँदै गएको तर्फ बेलैमा सचेत रहन आग्रह गरेका हुन् ।

जनमोर्चा कि सांसद दुर्गा पौडेलले महिलाको संख्या कम हुन नदिन सरकारले उनीहरुलाई शिक्षा, स्वास्थ्य रोजगारी जस्ता विषयमा प्राथामिकता हुनुपर्ने बताइन् । पौडेलले संसदमा भनिन्, ‘अहिले प्रतिघण्टा दुई सय ५० छोरा जन्मिदा जम्मा दुई सय मात्र छोरी जन्मिरहेका छन् । यसले समाजलाई दीर्घकालमा असर गर्नेछ ।’ छलफलमा भाग लिँदै सांसदहरुले महिलाको प्रजनन् स्वास्थ्य अधिकार कार्यान्वन गर्न सरकारी अस्पताललाई बढी प्रभावकारी र जवाफदेही बनाउनुपर्ने सुझाव दिए ।