टान निर्वाचन : को हुन् नवराज दाहाल ?

काठमाडौं । व्यवसायीले सोचेजस्तै भविष्यको ‘सुन्दर, सबल र समृद्ध टान’ बनाउने दाबी गर्दै पर्यटन व्यावसायी नवराज दाहालले अध्यक्ष पदमा मनोनयन दर्ता गरेका छन् । दाहालले बाम गठबन्धनबाट अध्यक्षमा मनोनयन दर्ता गरेका हुन् ।

दाहाल आफ्नो ‘स्वच्छ र व्यवसायीक टानको पहिचान’ सहित फरक ‘भिजन’ दिएर अध्यक्ष पदको दाबी गरेको बताउँछन् । करिब २८ बर्षदेखि पर्वतीय पर्यटन क्षेत्रमा आबद्व रहँदै आएका दाहाल दिगो पर्यटन विकासको निम्ति निरन्तर रुपमा लागि परेका छन् ।

नेपालको पर्वतीय पर्यटन क्षेत्रलाई गुणस्तरिय बनाउन, टानमा भएको आन्तरिक समस्यालाई निर्मुल गर्न, नेपाल पर्यटन बोर्ड र सरकारसँगको समन्वयलाई प्रभावकारी रुपमा विकास गरी टिम्सलगायतका वर्तमान समस्या सही समाधान प्रमुख एजेण्डा रहेको दाहाल बताउँछन् ।
उनी भन्छन्, ‘आन्तरिक तथा बाह्य पर्यटकलाई नेपालप्रति आकर्षक गराउन र युवाहरुलाई पर्यटन क्षेत्रमा अग्रसर गराउनका लागि महासचिवमा उम्मेदवारी दिएको हुँ ।’

को हुन् दाहाल ?
वि.सं. २०२८ सालमा धादिङ जिल्लाको गंगाजमुना गाउँपालीका–७ (साबिकको बुढाथुम गाविस)मा जन्मिएका नवराज दाहाल एक सफल र अनुभवी पर्यटन व्यवसायीको रुपमा परिचित छन । सन १९९० बाट पर्यटन क्षेत्रमा आबद्ध दाहाल हाल नेपाल ईन्भाईरोमेन्टल ट्रेक्स एण्ड एक्स्पिडिसन प्रालिका प्रवन्ध निर्देशक हुन् ।

दाहालले यसअघि टानमा कार्यसमिति सदस्य हुँदै महासचिव भएर कुशलतापूर्वक काम गरिसकेका छन् । गणतान्त्रिक स्टोनियाँका लागि नेपाली वाणिज्यदुतसमेत रहेका उनी नेपाल पर्यटन व्यवसायी संगठनको केन्द्रिय संयोजकको रुपमा पर्यटन क्षेत्रमा नेतृत्वदायी भूमिका निर्वाह गरिरहेका छन् ।
पर्यटन व्यवसाय प्रर्वद्धनको शिलशिलामा युरोप, अमेरिकालगायत विश्वका ३ दर्जन भन्दा बढि मुलुकहरुको भ्रमण गरिसकेका दाहालले व्यवस्थापन विषयमा स्नातकोत्तर तहसम्मको औपचारिक शिक्षा हाँसिल गरेका छन् ।

दाहालले आसन्न टान निर्वाचनमा एमाले निकट नेपाल राष्ट्रिय व्यवसायी संगठन, माओवादी निकट नेपाल पर्यटन व्यवसायी संगठन, वैद्य माओबादी निकट पर्यटन व्यवसायी र स्वतन्त्र पर्यटन व्यवसायीको समर्थनमा बनेको प्यानलबाट अध्यक्ष पदका उम्मेद्धारी दिएका हुन् ।

व्ययसायीहरुले कस्तो नेतृत्व छान्लान् ?
टान अर्थात् नेपालको पर्वतीय पर्यटन व्यवासायीको छाता संगठन । विगतमा अगुवाहरुको ‘स्वेच्छाचारी’ सञ्चालनका कारण पीडित बनेको वर्तमान र भविष्यलाई जोड्दै यतिबेला टानमा भावी नेतृत्वबारे चर्चा चुलिन थालेको छ ।

कस्तो टान बनाउने भन्ने कुरा कस्तो नेतृत्व ल्याउने भन्नेले निर्धारण गर्ने हुनाले नेतृत्वबारे समयमै बहस हुनु सर्वथा वाञ्छनीय कुरा पनि हो । अक्टोबर २९ भित्रै नेतृत्व चयन भइसक्ने भनिएको ३९ औं वार्षिक साधारण सभाबाट व्यवसायीहरु कस्तो नेतृत्व छान्न सफल होलान् त ?

ठिक यतिबेला, कम्तीमा आफू बन्ने भन्दा पनि टानलाई बनाउने नेतृत्व आउला या नआउला भन्ने चिन्ता वास्तविक ट्रेकिङ व्यवसायीमा बढ्दै गएको देखिन्छ ।

यही कात्तिक १२ गते होटल ह्यतमा हुन लागेको ट्रेकिङ एजेन्सिज एशोशियसन अफ नेपाल (टान)को निर्वाचनका लागि नेपाल ईन्भाइरोमेन्टल ट्रेक्स एण्ड एक्स्पीडिसनका प्रबन्ध निर्देशक नवराज दाहाल र मकालु एडभेन्चरका प्रबन्ध निर्देशक मोहन लम्सालबीच मतभिडन्त छ ।

(Felbatol)