तरुण दलका अध्यक्षको गोली हानी हत्या
सारांश
- काठमाडौं, २४ भदौ ।
- रोल्पा नगरपालिका तरुण दलका अध्यक्ष रोहित पुनको गोली हानी हत्या भएको छ ।
- रोल्पाको सुलिचौरमा पाण्डेश्वरी यातायात प्रालिको उदघाटन गर्न पुगेका उनको गोली हानी हत्या गरिएको थियो ।
काठमाडौं, २४ भदौ । रोल्पा नगरपालिका तरुण दलका अध्यक्ष रोहित पुनको गोली हानी हत्या भएको छ । रोल्पाको सुलिचौरमा पाण्डेश्वरी यातायात प्रालिको उदघाटन गर्न पुगेका उनको गोली हानी हत्या गरिएको थियो ।
उनलाई देव भन्ने व्यक्तिले गोली हानेका थिए । गोली हानेपछि देवले प्रहरीसँग आत्मसमर्पण गरेका छन् । देव नेकपा निकट रहेको प्रहरी स्रोतले जानकारी दिएको छ ।
प्रहरी प्रवक्ता एसएसपी शैलेश थापा क्षेत्रीले घटनाको पुष्टि गर्दै गोली हान्ने व्यक्ति प्रहरी नियन्त्रणमा आएको बताए । प्रहरीका अनुसार रोहितलाई सुलिचौरमा रहेको एक रेष्टुरेन्टमा गोली हानिएको थियो ।
घाइते अवस्थामा रहेका उनलाई उपचारका लागि लैजाने क्रममा मृत्यु भएको थियो । गोली हान्ने र मारिने दुबैजना रोल्पाकै सिमलवाङमा भएको एउटा घटनामा जेल परेका थिए । उनीहरुलाई पोहरसाल आममाफी दिइएको थियो ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया