दिपेश कँडेलको ह्याट्रिकमा नेपाल विश्वकपमा छनोट
सारांश
- काठमाडौं ।
- नेपाल आईसीसी यू१९ विश्वकपमा छनोट भएको छ ।
- बिहिबार भएको खेलमा युएईलाई ७ रनले पराजित गर्दै नेपाल ८ वर्षपछि विश्वकपमा छनोट भएको हो ।
काठमाडौं । नेपाल आईसीसी यू१९ विश्वकपमा छनोट भएको छ । बिहिबार भएको खेलमा युएईलाई ७ रनले पराजित गर्दै नेपाल ८ वर्षपछि विश्वकपमा छनोट भएको हो ।
नेपालको रोमाञ्चक जितमा दिपेश कँडेलले उत्कृष्ट बलिङ गरे । अन्तिममा ह्याट्रिक लिएका उनले ५ विकेट लिए । नेपालले दिएको १९२ रनको लक्ष्य पछ्याएको युएईले ४८ ओभरमा सबै विकेट गुमाएर १८४ रनमात्र बनायो । युएईका इथान डिसुजा ५० तथा आर्यन सक्सेनाले ३४ रन बनाए ।
युएईलाई जितका लागि ८ रन चाहिएको बेला नेपालका कँडेलले ह्याट्रिक लिँदै टोलीलाई जित दिलाएका हुन् । यूएईको अजमानमा टस हारेर ब्याटिङ गरेको नेपालले देव खनालको अर्धशतक सहयोगमा ४८.१ ओभरमा सबै विकेट गुमाएर १९१ रनको योगफल बनाएको थियो ।
जितसँगै नेपाली टिम अर्को वर्ष श्रीलंकामा हुने यू–१९ विश्वकप खेल्नेछ ।
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया