देउवा पछि हटेपछि कंग्रेसमा सहमतिको वातावरण बन्दै
सारांश
- नेपाली काँग्रेसभित्र सभापति शेरबहादुर देउवा महाधवेशनको मिति तोक्ने र नयाँ विभाग थप्न निर्णयबाट पछि हट्ने भएका छन् ।
- देउवा सहमतिका लागि लचिलो हुन तयार भएका हुन् ।
- आफू निकटस्थ नेताहरुसँग परामर्शपछि देउवा लचिलो भएका हुन् ।
नेपाली काँग्रेसभित्र सभापति शेरबहादुर देउवा महाधवेशनको मिति तोक्ने र नयाँ विभाग थप्न निर्णयबाट पछि हट्ने भएका छन् । देउवा सहमतिका लागि लचिलो हुन तयार भएका हुन् ।
आफू निकटस्थ नेताहरुसँग परामर्शपछि देउवा लचिलो भएका हुन् । देउवानिकट सहमहामन्त्री डा. प्रकाशशरण महतले महाधिवेशनको मिति बाहेक अन्य कार्यतालिका हेरफेर गर्न तयार रहेको जानकारी दिए । पार्टीमा सबैलाई मिलाएर लान सभापति देउवा लचिलो बन्न तयार रहेको उनको भनाई थियो ।
यसअघि पौडेल पक्षधर नेताहरुको बहिष्कारका बाबजुद देउवाले महाधिवेशनको मिति कार्यतालिकासहित घोषणा गरेका थिए । देउवाले केन्द्रीय समिति बैठकमा नयाँ विभाग गठनको प्रस्ताव समेत राखेका थिए । त्यसपछि पौडेल पक्षधर नेताहरुले बैठक बहिष्कार गरेका थिए ।
काँग्रेसभित्रको विवादका कारण देशभरका कार्यकर्ताले नेतृत्वमाथि दबाब सृजना गरेका थिए । देउवाले चौतर्फी चुनौती थपिएको आँकलन गरेर लचिलो भई पौडेल पक्षलाई सहमतिमा ल्याउन खोजेको बुझिएको छ ।
काँग्रेसभित्र आगामी वर्ष महाधिवेशन गर्नैपर्ने कारण देउवा र पौडेल पक्षबीच टकराव बढ्दै गएको छ । देउवालाई पुनः सभापति निर्वा्चित हुने चुनौती बढेको छ । उनी विरोधी समूह एक कडा रुपमा प्रस्तुत हुँदै गएका छन् ।(
प्रतिक्रिया