धनुषा प्रहरीद्वारा ५०० लिटर घरेलु मदिरा नष्ट

धनुषा, ४ मंसिर । इलाका प्रहरी कार्यालय धनुषाधामले बिभिन्न समयमा चेकजाचको समयमा बरामद भएको घरेलु अबैध मदिरा सार्वजनिक गरी नष्ट गरेको छ। केहि समय अगाडी घरेलु मदिरा सेवन कै कारण धनुषाको कमलामाई नगरपालिका ५ मा एक जनाको ज्यान गएपछि प्रहरीले मदिरा नियन्त्रण गरेको इलाका प्रहरी कार्यालय धनुषाधमाका प्रहरी इन्चार्ज प्रहरी निरिक्षक अमिर कुमार दाहालले बताए।

समाजका बुद्दिजिबि समाजसेवी तथा संचारकर्मीको रोहबरमा उक्त अबैध घरेलु मदिरा नष्ट गरिएको थियो। उक्त कार्यक्रममा धनुषा नगरपालिका१ का वडाध्यक्ष बिश्वनाथ यादव वडा २ का अध्यक्ष प्रभु नारायण शाह ,वडा ३ का अध्यक्ष राज किशोर शाह ,वडा ४ का अध्यक्ष रामपरिक्षण यादव ,धनुषा प्रथामिक स्वास्थ केन्द्रका प्रेमराज सागर ,जनता मा बी प्रधानाध्यापक राजेन्द्र साह लगायतको उपस्थिति रहेको थियो।