नेकपाकाे केन्द्रीय कार्यालय धुम्बाराही की पेरिस डाँडा ?

काठमाडौं,  २५ साउन । जनसंगठन, पार्टीका प्रदेश र जिल्लामा एकताका लागि बनाइएको कार्यदलको समय साउन मसान्तसम्म थपिएको छ । अवधि भोलिसम्मका लागि मात्र थियो । कार्यदललाई ज्येष्ठ कम्युनिस्ट मञ्च, सल्लाहकार समिति, विभाग र आयोग सदस्यहरुको नाम सिफारिस गर्ने कार्यादेश पनि थपिएको छ ।

पार्टी सञ्चालनको निर्दे्शिका बनाउन सुवास नेम्वाङ, भीम रावल, हरिबोल गजुरेल, पम्फा भुसाल, जनार्दन शर्मा र बेदुराम भुसाल रहेको कार्यदल बनाइयो । चिनियाँ कम्युनिस्ट पार्टीको निमन्त्रणामा नारायणकाजी श्रेष्ठको नेतृत्वमा नेपाल कम्युनिस्ट पार्टीको टोलीले चीन भ्रमण गर्ने निर्णय भयो ।
पार्टी स्थायी समितिको बैठक भदौ ८ र ९ गते बस्ने निर्देशन भयो । मन्त्रीहरु, प्रदेशको संसदीय दलका नेता, उपनेता, प्रमुख सचेतक, जिल्ला समन्वय समितिका सभापति, उपसभापति नगर र गाउँ पालिकाका प्रमुख उपप्रमुखलाई पार्टीको कार्यकारी जिम्मेवारी नदिने निर्णय गरिएको छ ।

त्यसैगरी  नेकपाको केन्द्रीय कार्यालय धुम्बाराहीमा हुने भएकाे बताइएकाे छ ।  पेरिस डाँडामा जनसंगठन र विभागका कार्यालय रहने नेकपाले बताएकाे छ ।