नेपालका लागि २१७ रनकाे चुनाैति, साेमपाल एक्लैले लिए ३ विकेट !
सारांश
- काठमाडौँ, १० भदौ ।
- एसिया कप छनोट खेलका लागि श्रृलंकामा अभ्यासरत रहेको नेपाली क्रिकेट टोलिले स्थानिय क्लब कोल्टस क्रिकेट क्लबसँग आफ्नो तेस्रो तथा अन्तिम अभ्यास खेल खेलिरहेको छ ।
- कोल्ट्सले ५० अाैँ ओभरमा सबै विकेट गुमाएर २१६ रन बनाउँदै नेपालसामु २१७ रनकाे लक्ष्य प्रस्तुत गरेकाे छ ।
काठमाडौँ, १० भदौ । एसिया कप छनोट खेलका लागि श्रृलंकामा अभ्यासरत रहेको नेपाली क्रिकेट टोलिले स्थानिय क्लब कोल्टस क्रिकेट क्लबसँग आफ्नो तेस्रो तथा अन्तिम अभ्यास खेल खेलिरहेको छ ।
कोल्ट्सले ५० अाैँ ओभरमा सबै विकेट गुमाएर २१६ रन बनाउँदै नेपालसामु २१७ रनकाे लक्ष्य प्रस्तुत गरेकाे छ । ५० रन भित्रै सुरुवाति ४ ब्याट्सम्यान गुमाएको कोल्टसका ब्याट्सम्यान हसन हेवान र आयना श्रीवर्दनेले सम्हालिको ब्याटिङ गर्दै पाँचौ विकेटका लागि ८५ रनको साझेदारी गरेका थिए । तर नेपाली अलराउण्डर सागर पुनले दुवैलाई पवेलियन पठाएपछि विपक्षि टाेलिकाे रनगतिमा अंकुस लागेकाे थियाे।
कोल्टसका लागि हसन हेवानले ५७, आयना श्रीवर्दनेले ३६ र मदुरा लकमलले ३१ रन बनाउनु बाहेक अरुले सम्झन लाएक पारी खेल्न सकेनन् । नेपालका लागि सोमपाल कामीले ३ करन केसी र सागर पुनले समान २÷२ विकेट लिए भने ललित राजवंशीले १ विकेट लिए । त्यस्तै रोहित पौडेलले मदुरोलाई रन आउट गराएका थिए ।
टस जित्दै पहिले ब्याटिङ् गरेकाे काेल्टसले ४९ दशमलब ५ बलमा सबै विकेट गुमाएर २१६ रन मात्र बनाउन सकेकाे थियाे । नेपाल सोमबार एसिया कप छनोट प्रतियोगिताका लागि मेलसिया प्रस्थान गर्नेछ ।
प्रतिक्रिया