परीक्षाको तयारी र सञ्चालनमा सहजीकरण गर्न मन्त्रालयको अपिल
सारांश
- काठमाडौँ।
- शिक्षा, विज्ञान तथा प्रविधि मन्त्रालयले प्रदेश नं २ मा माध्यमिक शिक्षा परीक्षा (एसइई)को बाँकी रहेका विषयका सबै परीक्षा स्थगित गर्ने निर्णय गरेको छ।
- श्रृङ्खलावद्ध रुपमा प्रश्नपत्र बाहिरिएको सन्दर्भमा उत्पन्न परिस्थिति र सम्बन्धित प्रदेशका सामाजिक विकास मन्त्रीको अनुरोधमा प्रदेश नं २ मा यही चैत २१ गतेसम्म सञ्चालन हुने सबै परीक्षा अर्को सूचना प्रकाशित नभएसम्म स्थगित गर्न मन्त्रालयले राष्ट्रिय परीक्षा बोर्डलाई निर्देशन दिएको छ।
काठमाडौँ। शिक्षा, विज्ञान तथा प्रविधि मन्त्रालयले प्रदेश नं २ मा माध्यमिक शिक्षा परीक्षा (एसइई)को बाँकी रहेका विषयका सबै परीक्षा स्थगित गर्ने निर्णय गरेको छ।
परीक्षा स्थगित हुँदा २६२ परीक्षा केन्द्रका ७० हजार ५६८ परीक्षार्थी प्रभावित भएको मन्त्रालयमा शुक्रबार आयोजित पत्रकार सम्मेलनमा जानकारी दिइयो। अन्य प्रदेशमा सञ्चालन हुने र प्रदेश नं २ मा यही चैत २२ गतेका लागि तय भएको परीक्षा भने यथावत रुपमा सञ्चालन हुने जानकारी दिइयो।
मन्त्रालयले प्रश्नपत्रको सुरक्षा सतर्कता अपनाउन सबै जिल्ला परीक्षा समन्वय समितिलाई निर्देशन दिएको छ । प्रदेश नं २ अन्तर्गतका परीक्षा केन्द्रमा विज्ञान र सामाजिक अध्ययन विषयका प्रश्नपत्र परीक्षा अगावै बाहिरिएपछि परीक्षा सञ्चालन तथा व्यवस्थापन उच्चस्तरीय समितिको बैठकले उक्त निर्देशन दिएको हो । पत्रकार सम्मेलनमा शिक्षा, विज्ञान तथा प्रविधि मन्त्री गिरिराजमणि पोखरेलले सो अप्रिय घटनालाई आपराधिक घटनाका रुपमा लिएर थप जिम्मेवार र संवेदनशील भई प्रदेश सरकार, स्थानीय तह, अभिभावक, विद्यार्थी सङ्गठन, शिक्षाप्रेमी, शिक्षक समुदायलगायतलाई परीक्षा तयारी र सञ्चालनमा सहजीकरण गर्न अपिल गरेका छन्।
उनले आगामी दिनको परीक्षाको तयारीमा जुटिराख्न सम्पूर्ण परीक्षार्थीलाई अनुरोधसमेत गरेका छन्। प्रदेश नं २ मा आज सञ्चालन भएको अनिवार्य सामाजिक अध्ययन विषयको प्रश्नपत्र पनि परीक्षा अगावै बाहिरिएको घटनाको पुष्टि गर्दै उहाँले आजको परीक्षा स्थगित गरिएको र त्यसबाट परीक्षाको तयारी गरिरहेका विद्यार्थीलाई परेको गम्भीर असरप्रति दुःख व्यक्त गरे।
परीक्षा अगावै प्रश्नपत्र बाहिरिएका कारण परीक्षाको तयारी गरेर बसेका विद्यार्थीलाई परेको मर्का, असुविधा र मनोवैज्ञानिक तनावप्रति आफूहरुको गम्भीर ध्यानाकर्षण भएको मन्त्री पोखरेलले बताउनुभयो । “अति गोप्यरुपमा निर्माण र छपाइ गरी परीक्षा केन्द्रसम्म पु¥याइने प्रश्नपत्रजस्तो अतिसंवेदनशील लाखौँ विद्यार्थीको भविष्यसग जोडिएको परीक्षा अगावै बाहिर ल्याएर कानूनको उल्लङ्घन गर्ने कार्यको घोर भत्र्सना गर्दछु”, उनले भने।
प्रतिक्रिया