पुनः मतदानमा कांग्रेस सहभागी नहुने
सारांश
- रुकुम ,१४ मंसिर गत आइतबार मतदान स्थगित भएकाे रुकुम (पश्चिम) का २ मतदान स्थल मध्य कांग्रेसले आठविसकोट नगरपालिका ११ को नेपाल राष्ट्रिय मतदान स्थलको (ख) मतदान केन्द्रमा हुने पुनः मतदानमा सहभागी नहुने भएको छ ।
- आफ्ना कार्यकर्तालाई पक्राउ गरिएको भन्दै कार्यकर्तालाई नछोडिएसम्म शुक्रबार का लागि तोकिएको पुनः मतदानमा सहभागी नहुने बताएको हो ।
- आइतबार मतदानका क्रममा कांग्रेसका तर्फबाट मतदान केन्द्रमा प्रतिनिधिको रुपमा बसेका केशववहादुर खड्काले मतपत्रमा एसिड राखेर मतपेटिकामा खसालेको भन्दै उनलाई प्रहरीले नियन्त्रणमा लिएको थियो ।
रुकुम ,१४ मंसिर गत आइतबार मतदान स्थगित भएकाे रुकुम (पश्चिम) का २ मतदान स्थल मध्य कांग्रेसले आठविसकोट नगरपालिका ११ को नेपाल राष्ट्रिय मतदान स्थलको (ख) मतदान केन्द्रमा हुने पुनः मतदानमा सहभागी नहुने भएको छ ।
आफ्ना कार्यकर्तालाई पक्राउ गरिएको भन्दै कार्यकर्तालाई नछोडिएसम्म शुक्रबार का लागि तोकिएको पुनः मतदानमा सहभागी नहुने बताएको हो । आइतबार मतदानका क्रममा कांग्रेसका तर्फबाट मतदान केन्द्रमा प्रतिनिधिको रुपमा बसेका केशववहादुर खड्काले मतपत्रमा एसिड राखेर मतपेटिकामा खसालेको भन्दै उनलाई प्रहरीले नियन्त्रणमा लिएको थियो । खड्कालाई बिना कारण फसाईएको भन्दै कांग्रेस आठविसकोटले उनको रिहाइको माग गर्दै रिहाइ नगरिए शुक्रबार हुने मतदानमा सहभागी नहुने निर्णय गरेको हो ।
मतदानका विषयमा छलफल गर्न विहिबार बोलाईएको सर्वदलीय बैठकमा कांग्रेस सहभागी भएन । कांग्रेस सहभागी नभएपछि अन्य दलको सहभागतामा बैठक बसेको मतदान अधिकृत कर्णवहादुर कँवरले जानकारी दिए ।
मतपेटिकामा एसिड खसालिएपछि रुकुम (पश्चिम)का २ ओटा मतदान केन्द्रमा आइतबार मतदान स्थगित भएको थियो । समानुपातिक तर्फको मतदान स्थगित भएको आठविसकोट ११ को नेपाल राष्ट्रिय मावि मतदान स्थलको(ख) मतदान केन्द्र र प्रतिनिधि सदस्य सदस्यका लागि मतदान स्थगित भएको बाँफिकोट गाउँपालिकाको रत्न आधारभुत विद्यालय मतदान स्थलको (क) मतदान केन्द्रमा शुक्रबार मतदान हुँदैछ ।
प्रतिक्रिया
Krishna Thakuri
जुन चाेर उसकै ठुलाे स्वर
Jaya Ram Dahal
देश भरिनै सहभागी नभय पनि हुन्छ
Bharat Lama
Sahi