प्रचण्डले कांग्रेसलाई धर्मको पाठ पढाउन जरुरी छैन् : प्रवक्ता शर्मा

काठमाडौं, ८ पुस । प्रमुख प्रतिपक्षी दल नेपाली कांग्रेसका प्रवक्ता विश्वप्रकाश शर्माले धर्मको विषयमा आफूहरुलाई कम्युनिस्टले पढाउन जरुरी नभएको स्पष्ट पारेका छन् । शनिबार काठमाडौंमा आयोजित एक कार्यक्रममा नेकपाका अध्यक्ष प्रचण्डले कांग्रेसले हिन्दूराष्ट्रको विषय उठाएर गम्भिर गल्ती गरेको टिप्प्णी गरेको भोलिपल्टै आज शर्माले यस्तो बताएका हुन् ।

पार्टीको महासमिति बैठकको अन्तिम दिन आज आइतबार आयोजना गरिएको पत्रकार सम्मेलनमा बोल्दै उनले यस्तो बताएका हुन् । शर्माले धर्मको विषयमा कम्युनिस्टले कांग्रेसलाई सिकाउन जरुरी नभएको बताएका हुन् ।

उनले भने,‘धर्मको सन्दर्भमा कम्युनिस्ट पार्टीका मित्रहरु जो द्वन्द्वात्मक भौतिकवाद पढेर हुर्किनुभएको छ, जसले धर्म अफिम हो भनेर वाल्यकालमै आफ्नो जीवन सुरुवात गर्नुभएको छ’ उनले भने ‘उहाँहरुले धर्म कर्म संस्कार र संस्कृतिको विषयमा कांग्रेस पार्टीलाई पढाइरहनुपर्ने जरुरी छैन ।’