फरार अभियुक्त लुरुलुरु प्रहरीसामू आए, पक्राउपछि हत्कडीसहित भागे
सारांश
- काठमाडौं १२ पुस ।
- जिल्ला अदालत परिसर काठमाडौंबाट हत्कडी लगाएकै अवस्थामा एक फरार अभियुक्त पुनः फरार भएका छन् ।
- ठाडो उजुरीका आधारमा प्रहरीले बुधबार सिन्धुपाल्चोकका लालकाजी तामाङलाई कार्यालय बोलाएको थियो ।
काठमाडौं १२ पुस । जिल्ला अदालत परिसर काठमाडौंबाट हत्कडी लगाएकै अवस्थामा एक फरार अभियुक्त पुनः फरार भएका छन् ।
ठाडो उजुरीका आधारमा प्रहरीले बुधबार सिन्धुपाल्चोकका लालकाजी तामाङलाई कार्यालय बोलाएको थियो । आफैं प्रहरी कार्यालयमा उपस्थित भएका तामाङ र निवेदक पक्षबीच छलफल हुँदै गर्दा तामाङ फरार अभियुक्त भएको सूचना प्रहरीले पाएको थियो ।
लगत्तै महानगरीय प्रहरी परिसरले जिल्ला अदालत काठमाडौंमा तामाङलाई बुझाएको थियो । प्रहरीले तामाङलाई अदालतको जिम्मा दिएर फर्किएलगत्तै उनी हातमा हत्कडी लगाएकै अवस्थामा भाग्न सफल भएका थिए ।
चोरी मुद्दामा तामाङविरुद्ध अदालतले २०७२ सालमा एक महिना १५ दिन कैद र ६ लाख ९० हजार जरिवानाको सजाय सुनाएको थियो । त्यसयता तामाङ भाग्दै आएका थिए । –राजधानी दैनिकबाट
कुल कमेन्ट:
0
Shikhar Khabar
लेखकबाट थप
यो खबर पढेर तपाईंलाई कस्तो महसुस भयो ?
प्रतिक्रिया