माेदी काठमाडाै भएकै बेला हतियारसहित ३ भारतीय प्रहरी पक्राउ !
सारांश
- कपिलवस्तु, २९ वैशाख ।
- हतियारसहित नेपाल प्रवेश गरेका ३ भारतीय प्रहरीलाई नेपाल प्रहरीले नियन्त्रणमा लिएको छ ।
- भारतीय प्रहरीका सब–इन्स्पेक्टर सहित नेपाल प्रवेश गरेका ३ भारतीय प्रहरीलाई नेपाल प्रहरीले कृष्णनगर बजारबाट नियन्त्रणमा लिएको हो ।
कपिलवस्तु, २९ वैशाख । हतियारसहित नेपाल प्रवेश गरेका ३ भारतीय प्रहरीलाई नेपाल प्रहरीले नियन्त्रणमा लिएको छ ।
भारतीय प्रहरीका सब–इन्स्पेक्टर सहित नेपाल प्रवेश गरेका ३ भारतीय प्रहरीलाई नेपाल प्रहरीले कृष्णनगर बजारबाट नियन्त्रणमा लिएको हो ।
पक्राउ पर्नेहरुमा भारतको बलरामपुर जिल्ला पचपेडवा थानाका सब–इन्स्पेक्टर डीएस चर्तुवेदी, कस्टेवल नासिर हुसेन र कस्टेवल कोमल रहेका छन् । उनीहरु कृष्णनगर भन्सार सीमा नाका हुँदै नेपाल प्रवेश गरेका थिए ।
कृष्णनगर बजारबाट नेपाल प्रहरी र सशस्त्र प्रहरीको संयुक्त टोलीले उनीहरुलाई हतियारसहित नियन्त्रणमा लिएको सशस्त्र प्रहरी उपरीक्षक भगवान मल्लले जानकारी दिए ।
नेपाली सुरक्षाकर्मीहरुको नियन्त्रणमा रहेका उनीहरुलाई भारतीय प्रहरी अधिकारीको जिम्मा लगाईएको छ । पक्राउ परेका उनीहरुले आफूहरु कृष्णनगर बजारमा चाइनिज समान खरिद गर्न आएको बताएका थिए ।
प्रतिक्रिया