मिटर ब्याजी परदेशीको गरियो पोलिग्राफ टेष्ट

ठगीको आरोपमा पक्राउ परेका ‘मिटर ब्याजी’ श्याम परदेशी भन्ने श्याम कृष्ण साह कलवारलाई सर्लाही प्रहरीले सोमबार पोलिग्राफ टेष्ट गराएको छ। प्रहरीले रौतहटको चन्द्रनिगाहपुरमा लगेर कलवारलाई पोलिग्राफ टेष्ट गराइएको हो । अभियुक्त कलवारले जाहेरीकर्ताले लगाएको आरोप अस्वीकार गरेकाले, सही सत्य पत्ता लगाउनका लागि पोलिग्राफ टेष्टको प्रयोग गराएको प्रहरीले जनाएको छ ।

जिल्ला प्रहरी कार्यालयको टोलीले कलवारलाई गत असोज ६ गते साँझ मलंगवाबाट पक्राउ गरेको थियो। लालबन्दी नगरपालिका–४ निवासी रुकमिणी चौधरीले दिएको जाहेरीको आधारमा कलवारलाई पक्राउ गरी ठगी मुद्धामा कारवाही प्रकृया अगाडी बढाइएको प्रहरीले बताएको छ ।

प्रहरीका अनुसार साढे चार लाख रुपैयाँ ऋण लिएको र ब्याजसहित पटकपटक गरेर नौलाख रुपैयाँ तिरिसक्दासमेत अझैं १५ लाखको कागज रहेको भन्दै साहले आफु र श्रीमानलाई मुद्धा हाल्ने धम्कि दिएको चौधरीको जाहेरीमा उल्लेख छ। आजको नागरिक दैनिकमा टंक क्षेत्रीले खवर छापेका छन् ।