मिडियालाई नायिका वर्षाद्वयको मुखभरिको जवाफ

काठमाडौं । नेपाली चलचित्र क्षेत्रमा नायिका वर्षा राउत र वर्षा शिवाकोटीलाई कट्टर दुस्मनको रुपमा हेर्ने गरिन्छ । वर्षाद्वय म्यूजिक भिडियो हुँदै चलचित्रमा आएका थिए ।

दुवै चलचित्र क्षेत्रमा आउँदाको समय पनि त्यती फरक थिएन । त्यसमाथि संयोगले उनीहरुको नामसमेत जुध्यो । त्यसैले पनि उनीहरुलाई केही मिडियाले एकअर्काको प्रतिस्पर्धिको रुपमा हेर्दै आएका छन् ।

शुक्रबारदेखि नेपाली सिनेमा घरहरुमा वर्षा रावत अभिनित चलचित्र ‘जात्रै जात्रा’ र वर्षा शिवाकोटी अभिनित चलचित्र ‘बीर विक्रम २’ एकैसाथ प्रदर्शनमा आए । एकसाथ चलचित्र प्रदर्शनमा आएपछि केही संचार माध्यममा उनीहरुबीच घम्साघम्सी हुने समाचारहरु आउन थाले ।

तर वर्षा शिवाकोटीले एउटा लामो स्टाटस लेख्दै आफूहरु दुस्मन नभएको जनाएकी थिइन् । आइतबार वर्षाद्वय वर्षा शिवाकोटी अभिनित चलचित्र ‘बीर विक्रम २’ हेर्न कुमारी हल पुगेका छन् । यसले उनीहरुलाई दुस्मन भन्ने मिडियाहरुलाई मुखभरीको जवाफ पुगेको छ ।

चलचित्र हेरिसकेपछि नायिका वर्षा शिवाकोटीले आफूहरु मिल्ने साथी भएको र मिडियाले दुश्मन बनाइदिएको भन्दै गुनासो गरेकी छिन् ।  त्यस्तै वर्षा रावतले पनि आफूहरुबीच कुनै पनि खालको दुस्मनी नभएको बताएकी छिन् ।

उनले यो चलचित्र पहिलेइदेखि हेर्ने सोच बनाएको भएपनि बल्ल समय मिलेर हेर्ने मौका मिलेको बताइन् । उनले चलचित्रसँगै वर्षाको कामको तारिफ गरिन् ।