मुखमा बुजो लगाइदिएर बोलाए शेरबहादुर देउवाले कांग्रेसको बैठक
सारांश
- काठमाडौं, ३ माघ ।
- चौतर्फी दवाव भएपछि कांग्रेस सभापति शेरबहादुर देउवाले पार्टीको केन्द्रीय कार्यसमिति बैठक माघ ४ गते बोलाएका छन् ।
- निर्वाचनमा पार्टीको पराजयको समीक्षाका लागि तत्काल बैठक बोलाउन कांग्रेस वरिष्ठ नेता रामचन्द्र पौडेल, पूर्वमहामन्त्री कृष्णप्रसाद सिटौला र पार्टीभित्रकै युवा नेताहरूले देउवालाई दबाब दिएका थिए ।
काठमाडौं, ३ माघ । चौतर्फी दवाव भएपछि कांग्रेस सभापति शेरबहादुर देउवाले पार्टीको केन्द्रीय कार्यसमिति बैठक माघ ४ गते बोलाएका छन् । निर्वाचनमा पार्टीको पराजयको समीक्षाका लागि तत्काल बैठक बोलाउन कांग्रेस वरिष्ठ नेता रामचन्द्र पौडेल, पूर्वमहामन्त्री कृष्णप्रसाद सिटौला र पार्टीभित्रकै युवा नेताहरूले देउवालाई दबाब दिएका थिए । यद्यपि, देउवाले भने चुनावको समीक्षा नहुनेगरी बैठक बोलाएका छन् ।
निर्वाचनपछि पहिलोपटक बैठक बोलाइएको हो । निर्वाचनको समीक्षाका लागि बैठक बोलाउन दबाब परे पनि सभापति देउवानिकट नेताहरूले माघ ४ को बैठकमा राष्ट्रिय सभा निर्वाचनसम्बन्धी एजेन्डामा मात्रै छलफल हुने बताएका छन् । समीक्षा बैठक पछि छुट्टै बस्ने र ४ गतेको बैठकमा राष्ट्रिय सभा निर्वाचनका विषयमा मात्रै छलफल हुने देउवानिकट एक नेताले बताएका छन् ।
कांग्रेस प्रवक्ता विश्वप्रकाश शर्माले माघ ४ को बैठक लामो समय नजाने बताए । उनले
प्रतिनिधिसभा र प्रदेशसभा निर्वाचनमा पार्टी पराजयको समीक्षाको विषय पनि प्रवेश हुनसक्ने बताए ।
प्रतिक्रिया