राजकुमार ह्यारीले राजपरिवारबाट अलग भएर आत्मनिर्भर बन्ने घोषणा गरे

राजकुमार ह्यारी बेलायतको राजगद्दीको उत्तराधिकारीमा सातौं नम्बरमा पर्छन् । बेलायती महारानी एलिजावेथका नाति तथा राजकुमार चाल्र्स र दिवंगत डायनाका कान्छा छोरा ह्यारी सधै चर्चामा आइरहन्छन् । यसपटक उनी दरबार छाड्ने घोषणाले चर्चामा आएका छन् ।

आफ्ना दाजु विलियम्ससँगको चीसो सम्बन्धको खुलासा ह्यारीले केही महिना अगाडि नै गरेका थिए । विदेशी भूमीमा गएर उनले पारिवारिक कलहबारे खुलाएका थिए । यसपटक उनले बेलायती राजपरिवारबाट अलग हुने घोषणा गरेका छन् । ह्यारी र उनकी पत्नी मेगानले दरबार छाडेर बेलायती राजपरिवारको वरिष्ठ सदस्य त्याग्ने घोषणा गरेका हुन् । बुधबार यो दम्पत्तिले आर्थिक रुपमा आत्मनिर्भर बन्न चाहेको घोषणा समेत गरे ।

ह्यारी र मेगानले दरबार छाडेर आर्थिक रुपमा आत्मनिर्भर हुन चाहेको भनेपछि महारानी एलिथावेथलाई पूरा समर्थन गर्ने उल्लेख गरेका छन् । स्वतन्त्र जीवन जिउन चाहिरहेको यो जोडीले बेलायतको दरबारसँग कुनै छलफल नगरेको खुलेको छ । बेलायतको राजपरिवारले ह्यारी र मेगनको घोषणाप्रति गम्भीरता देखाएको जनाइएको छ ।(एजेन्सीको सहयोगमा