राप्रपाले मागैमाग राखेर थाल्यो दबाबमूलक अभियान
सारांश
- काठमाडौं ।
- राष्ट्रिय प्रजातन्त्र पार्टीले राजासहित सबै राजनीतिक शक्तिको सर्वपक्षीय गोलमेच सम्मेलन, हिन्दू राष्ट्र कायम तथा संघीयताबारे जनताको अभिमत बुझ्न जनमत संग्राहलय माग गर्दै दबाबमूलक अभियान थालेको छ ।
- त्यसैगरी पृथ्वीजयन्तीलाई राष्ट्रिय एकता दिवस, प्रजातन्त्र दिवसलाई राष्ट्रिय पर्वका रुपमा मनाउनुपर्ने तथा कृष्ण जन्माष्टमी र रामनवमीमा सार्वजनिक बिदा उपलब्ध गराउन सरकारसँग आग्रह गरेको छ ।
काठमाडौं । राष्ट्रिय प्रजातन्त्र पार्टीले राजासहित सबै राजनीतिक शक्तिको सर्वपक्षीय गोलमेच सम्मेलन, हिन्दू राष्ट्र कायम तथा संघीयताबारे जनताको अभिमत बुझ्न जनमत संग्राहलय माग गर्दै दबाबमूलक अभियान थालेको छ ।
त्यसैगरी पृथ्वीजयन्तीलाई राष्ट्रिय एकता दिवस, प्रजातन्त्र दिवसलाई राष्ट्रिय पर्वका रुपमा मनाउनुपर्ने तथा कृष्ण जन्माष्टमी र रामनवमीमा सार्वजनिक बिदा उपलब्ध गराउन सरकारसँग आग्रह गरेको छ ।
फागुन ३० गतेसम्म देशव्यापीरुपमा सञ्चालन हुने उक्त अभियानमा मंहगी तथा कालोबजारी नियन्त्रण गर्न प्रभावकारी संरचना, १० कक्षासम्म संस्कृत शिक्षा अनिवार्य गर्नुपर्नेलगायत माग गरिएको छ । पार्टीले अध्यक्ष कमल थापाको नेतृत्वमा नयाँ बानेश्वरबाट पदयात्रासहित माइतीघर मण्डला पुगेर कोणसभा गरेको थियो ।
कार्यक्रममा अध्यक्ष थापाले भ्रष्टाचार नियन्त्रणका सन्दर्भमा विदेशमा लुकाएर राखिएको कालोधन देशभित्र ल्याउनुपर्ने, शंकास्पद व्यक्तिको बैंक खाता तत्काल रोक्का गरी अवैध कारोवारमा संलग्नलाई कानूनबमोजिम कारवाहीको माग गरिएको छ ।
आरक्षणको सुविधाबाट वञ्चित रहेका तर आर्थिक रुपमा विपन्न अन्य जातिलाईसमेत सबै क्षेत्रमा कम्तीमा १० प्रतिशत आरक्षणको माग गरेको छ ।
प्रतिक्रिया